Office of Public Sector Information

Office of Public Sector Information

Advanced Search

Main menu and contents

Supplementary menus and contents

Related Pages
Feeds

Page 1 of 3

Next

First page 1 2 3 Last page

Offerynnau Statudol

2009 Rhif 266 (Cy.29)

GALLUEDD MEDDYLIOL, CYMRU

Rheoliadau Galluedd Meddyliol (Amddifadu o Ryddid: Penodi Cynrychiolydd Person Perthnasol) (Cymru) 2009

Gwnaed

11 Chwefror 2009

Gosodwyd gerbron Cynulliad Cenedlaethol Cymru

13 Chwefror 2009

Yn dod i rym

1 Ebrill 2009

Contents

Go to Preamble

  1. RHAN 1

    1. 1.Enwi, cychwyn a chymhwyso

    2. 2.Dehongli

  2. RHAN 2

    Swyddogaethau goruchwylio

    1. 3.Swyddogaethau goruchwylio sy'n arferadwy gan Fyrddau Iechyd Lleol

  3. RHAN 3

    Penodi — cyffredinol

    1. 4.Y weithdrefn benodi

    2. 5.Cychwyn y weithdrefn benodi

    3. 6.Cymhwystra person i fod yn gynrychiolydd

  4. RHAN 4

    Dethol

    1. 7.Dethol gan y person perthnasol

    2. 8.Dethol gan roddai neu ddirprwy

    3. 9.Cymeradwyo gan yr asesydd lles pennaf neu'r corff goruchwylio

    4. 10.Dethol gan yr asesydd lles pennaf

    5. 11.Dethol gan y corff goruchwylio

  5. RHAN 5

    Penodi cynrychiolwyr

    1. 12.Penodi cynrychiolydd

    2. 13.Gofynion ffurfiol penodi cynrychiolydd

  6. RHAN 6

    1. 14.Terfynu penodiad cynrychiolydd

    2. 15.Monitro cynrychiolwyr

    3. 16.Gofynion ffurfiol terfynu penodiad cynrychiolydd

  7. RHAN 7

    Cynrychiolwyr — amrywiol

    1. 17.Talu i gynrychiolwyr

  8. RHAN 8

    1. 18.Diwygio Rheoliadau Deddf Galluedd Meddyliol 2005 (Eiriolwyr Annibynnol o ran Galluedd Meddyliol) (Cymru) 2007

Go to Explanatory Note

Mae Gweinidogion Cymru yn gwneud y Rheoliadau hyn drwy arfer y pwerau a roddir gan adrannau 35(2) a (3), 65(1) o Ddeddf Galluedd Meddyliol 2005 a pharagraffau 138(1), 142 i 144, 145, 147, 148, 165, 166 a 182(6) a (7) o Atodlen A1 iddi (1) a chan adrannau 12 a 204 o Ddeddf y Gwasanaeth Iechyd Gwladol (Cymru) 2006(2).

RHAN 1

Enwi, cychwyn a chymhwyso

1.—(1) Enw'r Rheoliadau hyn yw Rheoliadau Galluedd Meddyliol (Amddifadu o Ryddid: Penodi Cynrychiolydd Person Perthnasol) (Cymru) 2009 a deuant i rym ar 1 Ebrill 2009.

(2) Mae'r Rheoliadau hyn yn gymwys o ran Cymru.

Dehongli

2.—(1) Yn y Rheoliadau hyn—

  • ystyr “asesydd lles pennaf” (“best interests assessor”) yw person a ddetholwyd i wneud asesiad lles pennaf o dan baragraff 38 o Atodlen A1 i'r Ddeddf;

  • ystyr “y Ddeddf” (“the Act”) yw Deddf Galluedd Meddyliol 2005;

  • ystyr “rhoddai” (“donee”) yw person y rhoddwyd iddo atwrneiaeth arhosol neu atwrneiaeth barhaus gofrestredig gan y person perthnasol.

(2) At ddibenion y Rheoliadau hyn mae “corff goruchwylio” (“supervisory body”) yn cynnwys Bwrdd Iechyd Lleol sy'n arfer swyddogaethau goruchwylio yn unol â rheoliad 3.

RHAN 2 Swyddogaethau goruchwylio

Swyddogaethau goruchwylio sy'n arferadwy gan Fyrddau Iechyd Lleol

3.—(1) Bydd pob Bwrdd Iechyd Lleol yn arfer swyddogaethau goruchwylio—

(a) mewn perthynas ag unrhyw berson sydd â lle ganddo mewn ysbyty neu sy'n debygol o gael lle mewn ysbyty (p'un a ydynt yn ysbytai'r GIG neu'n ysbytai annibynnol) yn ei ardal er mwyn derbyn gofal perthnasol neu driniaeth berthnasol(3); a

(b) os bydd y Bwrdd Iechyd Lleol yn comisiynu gofal perthnasol neu driniaeth berthnasol i berson mewn ysbyty (p'un ai ysbyty'r GIG neu ysbyty annibynnol) yn Lloegr mewn perthynas â'r ysbyty hwnnw.

(2) Os bydd Gweinidogion Cymru yn comisiynu gofal perthnasol neu driniaeth berthnasol i unrhyw berson sydd â lle ganddo mewn ysbyty neu sy'n debygol o gael lle mewn ysbyty (p'un ai ysbyty'r GIG neu ysbyty annibynnol) yn Lloegr y corff goruchwylio fydd y Bwrdd Iechyd Lleol ar gyfer yr ardal y mae'r person fel arfer yn byw ynddi.

(3) Yn ddarostyngedig i unrhyw gyfarwyddiadau a roddir gan Weinidogion Cymru, mae modd i swyddogaethau goruchwylio sy'n arferadwy gan Fwrdd Iechyd Lleol, drwy drefniant â'r Bwrdd hwnnw, ac yn ddarostyngedig i'r fath gyfyngiadau ac amodau ag y tybia'r Bwrdd hwnnw eu bod yn briodol, gael eu harfer—

(a) ar ran y Bwrdd hwnnw gan bwyllgor, is-bwyllgor neu swyddog o'r Bwrdd;

(b) ar y cyd â Bwrdd Iechyd Lleol arall;

(4) Mae i “swyddogaethau goruchwylio” yr un ystyr ag sydd i “supervisory functions” ym mharagraff 165(3) o Atodlen A1 i'r Ddeddf.

(1)

2005 p.9. Mewnosodwyd Atodlen A1 gan adran 50(5) o Ddeddf Iechyd Meddwl 2007 p.12. Back [1]

(2)

2006 (p.42). Back [2]

(3)

Diffinnir “relevant care or treatment” ym mharagraff 7 o Atodlen A1 i'r Ddeddf. Back [3]

Page 1 of 3

Next

First page 1 2 3 Last page