Office of Public Sector Information
Page 1 of 1
Offerynnau Statudol
AMAETHYDDIAETH, CYMRU
Gwnaed
26 Ionawr 2009
Gosodwyd gerbron Cynulliad Cenedlaethol Cymru
27 Ionawr 2009
Yn dod i rym
18 Chwefror 2009
Mae Gweinidogion Cymru wedi'u dynodi(1) at ddibenion adran 2(2) o Ddeddf y Cymunedau Ewropeaidd 1972(2) o ran polisi amaethyddol cyffredin y Gymuned Ewropeaidd.
Mae Gweinidogion Cymru yn gwneud y Rheoliadau a ganlyn drwy arfer y pwerau a roddwyd iddynt gan adran 2(2) o Ddeddf y Cymunedau Ewropeaidd 1972(3) a pharagraff 1A o Atodlen 2 iddi.
1.—(1) Enw'r Rheoliadau hyn yw Rheoliadau Llaeth Ysgol (Cymru) (Diwygio) 2009 a deuant i rym ar 18 Chwefror 2009.
(2) Mae'r Rheoliadau hyn yn gymwys o ran Cymru.
2.—(1) Diwygier Rheoliadau Llaeth Ysgol (Cymru) 2008(4) yn unol â pharagraffau (2) i (3) isod.
(2) Yn lle'r diffiniad o “cyfnod allweddol 2” (“key stage 2”) yn rheoliad 2(1) rhodder—
“mae i “cyfnod allweddol 2” yr ystyr a roddir i “key stage 2” gan adran 103 o Ddeddf Addysg 2002;”
(3) Yn rheoliad 3(1) yn lle'r geiriau “sefydliadau addysgol” rhodder y geiriau “sefydliadau addysgol cymwys”.
Jane Hutt
Y Gweinidog dros Blant, Addysg, Dysgu Gydol Oes a Sgiliau, un o Weinidogion Cymru
26 Ionawr 2009
(Nid yw'r nodyn hwn yn rhan o'r Rheoliadau)
Mae'r Rheoliadau hyn yn gwneud mân ddiwygiadau i Reoliadau Llaeth Ysgol (Cymru) 2008(5).
Mae rheoliad 2(2) yn diwygio'r diffiniad o “cyfnod allweddol 2”.
Mae rheoliad 2(3) yn darparu y caiff Gweinidogion Cymru roi cymorth cenedlaethol mewn cysylltiad â chyflenwi cynhyrchion llaeth cymwys i ddisgyblion mewn sefydliadau addysgol cymwys.
Yn rhinwedd adran 59(1) a pharagraff 30 o Atodlen 11 i Ddeddf Llywodraeth Cymru 2006, mae swyddogaethau a roddwyd i Gynulliad Cenedlaethol Cymru yn arferadwy gan Weinidogion Cymru. Back [1]
1972 p.68. Mae Gweinidogion Cymru wedi'u dynodi o ran materion a bennir yn Atodlen 3 i Orchymyn y Cymunedau Ewropeaidd (Dynodi) (Rhif 3) 2005 (O.S. 2005/2766). Back [2]
Mewnosodwyd gan adran 28 o Ddeddf Diwygio Deddfwriaethol a Rheoliadol 2006 (p.51). Back [3]
O.S. 2008/2141 (Cy.190). Back [4]
O.S. 2008/2141 (Cy.190). Back [5]
