Office of Public Sector Information
(Nid yw'r nodyn hwn yn rhan o'r Rheoliadau)
Rhoddodd Rheoliadau Cynllunio Gwlad a Thref (Asesu Effeithiau Amgylcheddol) (Cymru a Lloegr) 1999 (O.S. 1999/293) (“Rheoliadau 1999”) ar waith, yng Nghymru a Lloegr, Gyfarwyddeb y Cyngor 85/337/EEC (“Cyfarwyddeb AEA”) ar asesu effeithiau prosiectau cyhoeddus a phreifat penodol ar yr amgylchedd (O.J. Rhif L175, 5.7.1985, t.40) fel y'i diwygiwyd gan Gyfarwyddeb y Cyngor 97/11/EC (O.J. Rhif L73, 14.3.1997, t.5). Diwygiwyd y Gyfarwyddeb AEA hefyd gan Gyfarwyddeb y Cyngor 2003/35/EC (O.J. Rhif L156, 25.6.2003, t.17).
Mae'r Rheoliadau hyn yn diwygio Rheoliadau 1999 er mwyn rhoi'r Cyfarwyddebau ar waith o ran ceisiadau am gymeradwyo materion a gadwyd yn ôl a cheisiadau am gymeradwyo amodau tebyg sydd ynghlwm wrth roi caniatadau cynllunio (“ceisiadau dilynol”).
Mae rheoliadau 2 i 12 yn diwygio Rheoliadau 1999 fel bod eu darpariaethau yn gymwys i geisiadau dilynol. Diweddarwyd cyfeiriadau at Gynulliad Cenedlaethol Cymru a'u gwneud yn gyfeiriadau at Weinidogion Cymru.
Mae rheoliad 7 yn gymwys i gydsyniadau dilynol o dan erthygl 8 o Orchymyn Cynllunio Gwlad a Thref (Gweithdrefn Datblygu Cyffredinol) 1995 ac Atodlen 3 iddi (O.S. 1995/419, fel y'i diwygiwyd gan O.S. 1999/293, 2004/3256 a 2006/1386), sy'n darparu bod gweithdrefnau cyhoeddusrwydd i'w dilyn gan awdurdodau cynllunio lleol yn achos caniatadau cynllunio sy'n ddarostyngedig i asesiad effaith amgylcheddol.
Mae rheoliad 13 yn diwygio Rheoliadau Cynllunio Gwlad a Thref (Penderfynu ar Apelau gan Bersonau Penodedig) (Dosbarthau Rhagnodedig) 1997 sy'n rhagnodi'r dosbarthau ar apêl sydd i'w penderfynu gan bersonau a benodir gan Weinidogion Cymru yn unol â darpariaethau Atodlen 6 i Ddeddf Cynllunio Gwlad a Thref 1990 yn lle cael eu penderfynu gan Weinidogion Cymru. Mae'n allgáu o'r dosbarthau ar apêl a gedwir yn ôl, apelau gorfodi sy'n ymwneud â datblygiad anawdurdodedig y mae'r Gyfarwyddeb AEA yn gymwys iddo.
Lluniwyd asesiad effaith rheoleiddiol a gellir cael copïau oddi wrth: Llywodraeth Cynulliad Cymru, Parc Cathays, Caerdydd CF10 3NQ.
