Office of Public Sector Information
Page 1 of 1
Offerynnau Statudol
BWYD, CYMRU
Gwnaed
28 Chwefror 2008
Gosodwyd gerbron Cynulliad Cenedlaethol Cymru
29 Chwefror 2008
Yn dod i rym
24 Mawrth 2008
Mae Gweinidogion Cymru yn gwneud y Rheoliadau canlynol drwy arfer y pwerau a roddwyd gan adrannau 16(1)(e), 17(1), 26(1) a (3) a 48(1) o Ddeddf Diogelwch Bwyd 1990(1).
Yn unol ag adran 48(4A) o'r Ddeddf honno, maent wedi rhoi ystyriaeth i gyngor perthnasol a roddwyd gan yr Asiantaeth Safonau Bwyd.
Fel sy'n ofynnol gan Erthygl 9 o Reoliad (EC) Rhif 178/2002 Senedd Ewrop a'r Cyngor, sy'n pennu egwyddorion cyffredinol a gofynion cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd(2), fel y'i diwygiwyd ddiwethaf gan Reoliad (EC) Rhif 1642/2003 Senedd Ewrop a'r Cyngor sy'n diwygio Rheoliad (EC) Rhif 178/2002, sy'n pennu egwyddorion cyffredinol a gofynion cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd(3), cafwyd ymgynghori agored a thryloyw â'r cyhoedd yn ystod cyfnod paratoi a gwerthuso'r Rheoliadau hyn.
1. Enw'r Rheoliadau hyn yw Rheoliadau Mêl (Cymru) (Diwygio) 2008, ac maent yn dod i rym ar 24 Mawrth 2008.
2. Diwygir Rheoliadau Mêl (Cymru) 2003(4) fel a ddarperir yn rheoliad 3.
3. Yn Atodlen 2 yn lle'r geiriau “dim mwy na 0.8 mS/cm” rhodder y canlynol—
“dim llai na 0.8 mS/cm”.
Gwenda Thomas
O dan awdurdod y Gweinidog dros Iechyd a Gwasanaethau Cymdeithasol, un o Weinidogion Cymru.
28 Chwefror 2008
(Nid yw'r nodyn hwn yn rhan o'r Rheoliadau)
1. Mae'r Rheoliadau hyn yn gwneud mân ddiwygiadau i Reoliadau Mêl (Cymru) 2003 (O.S. 2003/3044 (Cy.288). Maent yn rhoi ar waith y Corigendwm i Gyfarwyddeb y GE 2001/110 a wnaeth gywiro gwall yn Atodiad II i'r Gyfarwyddeb honno
2. Ni luniwyd asesiad effaith reoleiddiol llawn ar gyfer yr offeryn hwn, gan na fydd yn effeithio o gwbl ar gostau busnes.
1990 p. 16. Trosglwyddwyd swyddogaethau'r Ysgrifennydd Gwladol, i'r graddau yr oeddent yn arferadwy o ran Cymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 O.S. 1999/672). Trosglwyddwyd y swyddogaethau hynny i Weinidogion Cymru gan adran 162 a pharagraff 30 o Atodlen 11 i Ddeddf Llywodraeth Cymru 2006 (p.32). Back [1]
OJ Rhif L31, 1.2.2002, t.1. Back [2]
OJ Rhif L245, 29.9.2003, t.4. Back [3]
O.S. 2003/3044 (Cy.288). Back [4]
