Office of Public Sector Information

A.  Swyddogaethau sy'n ymwneud â chynllunio gwlad a thref a rheoli datblygu

1.  Y pŵer i ddyfarnu ar geisiadau am ganiatâd cynllunio.

2.  Y pŵer i ddyfarnu ar geisiadau am ddatblygu tir heb gydymffurfio ag amodau a osodwyd o'r blaen.

3.  Y pŵer i roi caniatâd cynllunio ar gyfer datblygiad sydd eisoes wedi'i gyflawni.

4.  Y pŵer i wrthod dyfarnu ar gais am ganiatâd cynllunio.

5.  Dyletswyddau sy'n ymwneud â gwneud dyfarniadau ar geisiadau cynllunio.

6.  Y pŵer i ddyfarnu ar gais am ganiatâd cynllunio a wneir gan awdurdod lleol, ar ei ben ei hun neu ar y cyd â pherson arall.

7.  Y pŵer i wneud dyfarniadau, i roi cymeradwyaethau ac i gytuno ar faterion penodol eraill sy'n ymwneud ag arfer hawliau datblygu a ganiateir.

8.  Y pŵer i gytuno ar rwymedigaeth gynllunio sy'n rheoleiddio datblygu tir neu ddefnyddio tir.

9.  Y pŵer i ddyroddi tystysgrif o ddefnydd neu ddatblygiad cyfreithlon presennol neu arfaethedig.

10.  Y pŵer i gyflwyno hysbysiad cwblhau.

11.  Y pŵer i roi cydsyniad i arddangos hysbysebion.

12.  Y pŵer i awdurdodi mynd ar dir.

13.  Y pŵer i'w gwneud yn ofynnol rhoi'r gorau i ddefnyddio tir.

14.  Y pŵer i gyflwyno hysbysiad torri rheolau cynllunio, hysbysiad torri amod neu hysbysiad stop.

15.  Y pŵer i ddyroddi hysbysiad gorfodi.

16.  Y pŵer i wneud cais am waharddeb i atal torri rheol gynllunio.

17.  Y pŵer i ddyfarnu ar geisiadau am gydsyniad sylweddau peryglus, a phwerau cysylltiedig.

18.  Y ddyletswydd i ddyfarnu ar amodau y mae hen ganiatadau mwyngloddio, caniatadau cynllunio perthnasol sy'n ymwneud â safleoedd cwsg neu safleoedd Rhan I neu Ran II gweithredol, neu ganiatadau mwynol sy'n ymwneud â safleoedd mwyngloddio, yn ôl y digwydd, i fod yn ddarostyngedig iddynt.

19.  Y pŵer i'w gwneud yn ofynnol bod tir yn cael ei gynnal yn iawn.

20.  Y pŵer i ddyfarnu ar gais am gydsyniad adeilad rhestredig, a phwerau cysylltiedig.

21.  Y pŵer i ddyfarnu ar geisiadau am gydsyniad ardal gadwraeth.

22.  Dyletswyddau sy'n ymwneud â cheisiadau am gydsyniad adeilad rhestredig a chydsyniad ardal gadwraeth.

23.  Y pŵer i gyflwyno hysbysiad cadw adeilad, a phwerau cysylltiedig.

24.  Y pŵer i ddyroddi hysbysiad gorfodi adeilad rhestredig.

25.  Pwerau i gaffael adeilad rhestredig y mae angen ei drwsio a chyflwyno hysbysiad trwsio.

26.  Y pŵer i wneud cais am waharddeb mewn perthynas ag adeilad rhestredig.

27.  Y pŵer i wneud gwaith brys.

28.  Pŵer yn gysylltiedig â gweithio mwynau.

29.  Pŵer yn gysylltiedig â llwybrau troed a llwybrau ceffylau.

30.  Pŵer ynghylch tystysgrifo datblygiadau amgen priodol.

31.  Dyletswyddau mewn perthynas â gorchmynion prynu.

32.  Pwerau sy'n ymwneud â hysbysiadau malltod.

B.  Swyddogaethau trwyddedu a chofrestru (i'r graddau nad oes unrhyw baragraff arall yn yr Atodlen hon yn ymdrin â hwy)

1.  Y pŵer i ddyroddi trwyddedau sy'n awdurdodi defnyddio tir fel safle carafannau (“trwyddedau safle”).

2.  Y pŵer i drwyddedu defnyddio anheddau symudadwy a safleoedd gwersylla.

3.  Y pŵer i drwyddedu cerbydau hacnai a cherbydau hurio preifat.

(a) o ran cerbydau hacnai, Deddf Cymalau Heddluoedd Tref 1847 (10 a 11 Vict. p. 89), fel y'i hestynnwyd gan adran 171 o Ddeddf Iechyd y Cyhoedd 1875 (38 a 39 Vict. p. 55), ac adran 15 o Ddeddf Trafnidiaeth 1985 (p. 67); ac adrannau 47, 57, 58, 60 a 79 o Ddeddf Llywodraeth Lleol (Darpariaethau Amrywiol) 1976 (p. 57);

(b) o ran cerbydau hurio preifat, adrannau 48, 57, 58, 60 a 79 o Ddeddf Llywodraeth Leol (Darpariaethau Amrywiol) 1976.

4.  Y pŵer i drwyddedu gyrrwyr cerbydau hacnai a cherbydau hurio preifat.

5.  Y pŵer i drwyddedu gweithredwyr cerbydau hacnai a cherbydau hurio preifat.

6.  Y pŵer i gofrestru hyrwyddwyr pyllau.

7.  Y pŵer i roi trwyddedau betio ar gyfer traciau.

8.  Y pŵer i drwyddedu cynlluniau betio ar gyfer traciau ar y cyd â'i.

9.  Y pŵer i roi trwyddedau mewn perthynas â mangreoedd sydd â pheiriannau chwarae.

10.  Y pŵer i gofrestru cymdeithasau sy'n dymuno hyrwyddo loterïau.

11.  Y pŵer i roi trwyddedau mewn perthynas â mangreoedd lle darperir difyrion â gwobrau.

12.  Y pŵer i ddyroddi trwyddedau adloniant.

13.  Y pŵer i drwyddedu siopau rhyw a sinemâu rhyw.

14.  Y pŵer i drwyddedu perfformiadau hypnotiaeth.

15.  Y pŵer i drwyddedu mangreoedd ar gyfer aciwbigiadau, tatws, tyllu clustiau ac electrolysis.

16.  Y pŵer i drwyddedu cychod pleser a llongau pleser.

17.  Y pŵer i drwyddedu masnachu mewn marchnadoedd ac ar y stryd.

18.  Y ddyletswydd i gadw rhestr o bersonau sydd â'r hawl i werthu gwenwynau nad ydynt yn feddyginiaeth.

19.  Y pŵer i drwyddedu delwyr helgig a lladd a gwerthu helgig.

20.  Y pŵer i gofrestru a thrwyddedu mangreoedd ar gyfer paratoi bwyd.

21.  Y pŵer i drwyddedu iardiau sgrap.

22.  Y pŵer i ddyroddi, diwygio neu amnewid tystysgrifau diogelwch (cyffredinol neu arbennig) ar gyfer meysydd chwaraeon.

23.  Y pŵer i ddyroddi, dileu, diwygio neu amnewid tystysgrifau diogelwch ar gyfer standiau rheoledig mewn meysydd chwaraeon.

24.  Dyletswydd i hyrwyddo diogelwch rhag tân.

25.  Y pŵer i drwyddedu mangreoedd ar gyfer bridio cwn.

26.  Y pŵer i drwyddedu siopau anifeiliaid anwes a sefydliadau eraill lle caiff anifeiliaid eu bridio neu eu cadw er mwyn cynnal busnes.

27.  Y pŵer i gofrestru hyfforddwyr ac arddangoswyr anifeiliaid.

28.  Y pŵer i drwyddedu swau.

29.  Y pŵer i drwyddedu anifeiliaid gwyllt peryglus.

30.  Y pŵer i orfodi rheoliadau mewn perthynas â sgil-gynhyrchion anifeiliaid.

31.  Y pŵer i drwyddedu cyflogi plant.

32.  Y pŵer i gymeradwyo mangreoedd ar gyfer gweinyddu priodasau a chofrestru partneriaethau sifil.

33.  Y pŵer i gofrestru tir comin neu feysydd gleision trefi neu bentrefi, ac eithrio os yw'r pwer yn arferadwy ar gyfer rhoi effaith i'r canlynol yn unig—

(a) cyfnewid tiroedd y mae gorchymyn o dan adran 19(3) o Ddeddf Caffael Tir 1981 (p.67) neu baragraff 6(4) o Atodlen 3 iddi yn rhoi effaith iddo (p. 67); neu

(b) gorchymyn o dan adran 147 o Ddeddf Amgáu Tiroedd 1845 (p. 8 a 9 Vict. p. 118).

34.  Y pŵer i gofrestru amrywiadau ar hawliau comin.

35.  Y pŵer i ddyroddi trwydded i gasglu ar gyfer achosion elusennol.

36.  Y pŵer i roi cydsyniad ar gyfer gweithredu uchelseinydd.

37.  Y pŵer i roi trwydded ar gyfer gweithfeydd stryd.

38.  Dyletswydd i gofrestru symudiadau moch.

39.  Y pŵer i orfodi rheoliadau mewn perthynas â symud moch.

40.  Y pŵer i ddyroddi trwydded i symud gwartheg o farchnad.

41.  Y pŵer i roi hawl i rannau o adeiladau gael eu defnyddio i storio seliwloid.

42.  Y ddyletswydd i orfodi a gweithredu Rheoliadau (EC) Rhif 852/2004 a 853/2004 mewn perthynas â gweithredwyr busnesau bwyd fel y'u pennir ymhellach yn rheoliad 5 o Reoliadau Bwyd (Hylendid) (Cymru) 2006.

43.  Swyddogaethau mewn perthynas â sefydlu Pwyllgor Trwyddedu.

C.  Swyddogaethau sy'n ymwneud ag iechyd a diogelwch yn y gwaith

Ch.  Swyddogaethau sy'n ymwneud ag etholiadau

1.  Y ddyletswydd i benodi swyddog cofrestru etholiadol.

2.  Y pŵer i ddyrannu swyddogion mewn perthynas ag angenrheidiau'r swyddog cofrestru.

3.  Y pŵer i ddileu cynghorau cymuned.

4.  Y pŵer i wneud gorchmynion ar gyfer grwpio cymunedau.

5.  Y pŵer i wneud gorchmynion i ddileu grwpiau a gwahanu cynghorau cymuned oddi wrth grwpiau.

6.  Y ddyletswydd i benodi swyddog canlyniadau ar gyfer etholiadau llywodraeth leol.

7.  Y ddyletswydd i roi cymorth yn etholiadau'r Senedd Ewropeaidd.

8.  Y ddyletswydd i rannu'r etholaeth yn rhanbarthau pleidleisio.

9.  Y pŵer i rannu adrannau etholiadol yn rhanbarthau pleidleisio mewn etholiadau llywodraeth leol.

10.  Pwerau mewn perthynas â chynnal etholiadau.

11.  Y pŵer i dalu treuliau a dynnir yn briodol gan swyddogion cofrestru etholiadol.

12.  Y pŵer i lenwi lleoedd gwag os na cheir digon o enwebiadau.

13.  Y ddyletswydd i ddatgan bod lle gwag mewn swydd mewn achosion penodol.

14.  Y ddyletswydd i roi hysbysiad cyhoeddus o le gwag achlysurol.

15.  Y pŵer i wneud penodiadau dros dro i gynghorau cymuned.

16.  Y pŵer i ddyfarnu ar ffioedd ac amodau ar gyfer rhoi copïau o ddogfennau etholiadol neu ddarnau allan ohonynt.

17.  Y pŵer i gyflwyno cynigion i'r Ysgrifennydd Gwladol ar gyfer gorchymyn o dan adran 10 (cynlluniau peilot ar gyfer etholiadau lleol yng Nghymru a Lloegr) o Ddeddf Cynrychiolaeth y Bobl 2000.

18.  Swyddogaethau etholiadol amrywiol o dan Ran II, O.S. 2003/284.

D.  Swyddogaethau sy'n ymwneud ag enw a statws ardaloedd ac unigolion

1.  Y pŵer i newid enw sir, neu enw bwrdeistref sirol.

2.  Y pŵer i newid enw cymuned.

3.  Y pŵer i roi teitl henadur mygedol neu i dderbyn rhywun yn rhyddfreiniwr mygedol.

4.  Y pŵer i ddeisebu o blaid siarter i roi statws bwrdeistref sirol.

Dd.  Y pŵer i wneud, diwygio, dirymu neu ailddeddfu is-ddeddfau

E.  Y pŵer i hyrwyddo neu i wrthwynebu Mesurau lleol neu bersonol.

F.  Swyddogaethau sy'n ymwneud â phensiynau etc.

1.  Swyddogaethau sy'n ymwneud â phensiynau llywodraeth leol, etc.

2.  Swyddogaethau sy'n ymwneud â phensiynau, lwfansau ac arian rhodd.

3.  Swyddogaethau o dan gynlluniau pensiwn sy'n bodoli eisoes o ran personau sy'n cael eu cyflogi gan awdurdodau tân ac achub yn unol ag adran 1 o Ddeddf Gwasanaethau Tân ac Achub 2004.

Ff.  Swyddogaethau amrywiol

1.  Y ddyletswydd i gymeradwyo datganiad awdurdod o'i gyfrifon, ei incwm, a'i wariant a'i fantolen neu ei gofnod o dderbyniadau a thaliadau (yn ôl y digwydd).

2.  Swyddogaethau sy'n ymwneud â physgodfeydd môr.

3.  Pwerau sy'n ymwneud â chadw coed.

4.  Pwerau sy'n ymwneud â diogelu gwrychoedd (perthi) pwysig.

5.  Y pŵer i wneud rheolau sefydlog.

6.  Penodi a diswyddo staff.

7.  Y pŵer i wneud rheolau sefydlog ynghylch contractau.

8.  Y pŵer i ystyried adroddiadau gan Ombwdsmon Gwasanaethau Cyhoeddus Cymru.

9.  Y pŵer i wneud gorchymyn yn nodi lle fel lle cyhoeddus dynodedig at ddibenion pwerau heddlu mewn perthynas ag yfed alcohol.

10.  Y pwerau mewn perthynas â chofrestru gweithredwyr achub cerbydau modur.

11.  Y pŵer i benodi swyddogion at ddibenion penodol (penodi “priod swyddogion”).

12.  Y ddyletswydd i ddynodi swyddog yn bennaeth gwasanaeth taledig yr awdurdod, ac i ddarparu staff, etc.

13.  Y ddyletswydd i ddynodi swyddog yn swyddog monitro, ac i ddarparu staff, etc.

14.  Y ddyletswydd i ddyfarnu ar derfyn benthyca fforddiadwy.

15.  Cymeradwyo strategaeth fuddsoddi flynyddol yn unol â chanllawiau.

16.  Y ddyletswydd i wneud trefniadau ar gyfer gweinyddu materion ariannol yn briodol.