Office of Public Sector Information
(Nid yw'r nodyn hwn yn rhan o'r Rheoliadau)
Mae'r Rheoliadau hyn yn gymwys o ran Cymru ac maent yn diwygio'r rheoliadau canlynol:
(a) Rheoliadau Hadau Betys (Cymru) 2005 (O.S. 2005/3037);
(b) Rheoliadau Hadau yd (Cymru) 2005 (O.S. 2005/3036);
(c) Rheoliadau Hadau Planhigion Porthiant (Cymru) 2005 (O.S. 2005/1207);
(ch) Rheoliadau Hadau Planhigion Olew a Ffibr (Cymru) 2004 (O.S. 2004/2881); a
(d) Rheoliadau Hadau Llysiau (Cymru) 2005 (O.S. 2005/3035).
Maent yn rhoi effaith i Benderfyniad y Comisiwn 2004/842/EC ar 1 Rhagfyr 2004 ynghylch gweithredu rheolau lle y caiff Aelod-wladwriaethau awdurdodi rhoi ar y farchnad hadau sy'n perthyn i amrywogaethau y cyflwynwyd cais ar eu cyfer i gael eu cofnodi yn y catalog cenedlaethol o amrywogaethau rhywogaethau planhigion amaethyddol neu rywogaethau llysiau (OJ L 362, 9.12.2004, t.21), sy'n gosod yr amodau y ceir marchnata hadau betys, ydau, planhigion porthiant, planhigion olew a ffibr a llysiau na chawsant hyd yn hyn eu hychwanegu at Restr Genedlaethol at ddibenion cynnal profion a threialu neu, yn achos hadau llysiau, at ddibenion ennill gwybodaeth oddi wrth brofiad ymarferol wrth drin y tir.
Mae Arfarniad Rheoliadol wedi cael ei baratoi. Gellir cael copïau oddi wrth Is-adran Datblygu Bwyd a'r Farchnad Llywodraeth Cynulliad Cymru, Parc Cathays, Caerdydd, CF10 3NQ.
