- Offerynnau Statudol 2005 Rhif 1353 (Cy.101) (C.59)
Gorchymyn Deddf Cyfunddaliad a Diwygio Cyfraith Lesddaliad 2002 (Cychwyn Rhif 3 ac Arbediad a Darpariaeth Drosiannol) (Cymru) 2005
© Hawlfraint y Goron 2005
Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.
Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.
Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.
Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Gorchymyn Deddf Cyfunddaliad a Diwygio Cyfraith Lesddaliad 2002 (Cychwyn Rhif 3 ac Arbediad a Darpariaeth Drosiannol) (Cymru) 2005, ISBN 0110911334. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.
Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.
I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.
| Wedi'i wneud | 17 Mai 2005 |
Mae Cynulliad Cenedlaethol Cymru, drwy arfer y pwerau a roddwyd iddo gan adran 181 o Ddeddf Cyfunddaliad a Diwygio Cyfraith Lesddaliad 2002[1], drwy hyn yn gwneud y Gorchymyn canlynol:
Enwi, dehongli a chymhwyso
1. - (1) Enw'r Gorchymyn hwn yw Gorchymyn Deddf Cyfunddaliad a Diwygio Cyfraith Lesddaliad 2002 (Cychwyn Rhif 3 ac Arbediad a Darpariaeth Drosiannol) (Cymru) 2005.
(2) Yn y Gorchymyn hwn, oni ddywedir fel arall, mae cyfeiriadau at adrannau yn gyfeiriadau at adrannau o Ddeddf Cyfunddaliad a Diwygio Cyfraith Lesddaliad 2002 ac Atodlenni iddi.
(3) Mae'r Gorchymyn hwn yn gymwys i Gymru
Darpariaethau sy'n dod i rym yng Nghymru ar 31 Mai 2005
2. Yn ddarostyngedig i erthygl 3, daw'r darpariaethau canlynol i rym yng Nghymru ar 31 Mai 2005 -
-
(a) adran 126,
(b) adran 157, i'r graddau y mae'n ymwneud â pharagraff 15 o Atodlen 10,
(c) adran 164, i'r graddau nad yw eisoes mewn grym,
(ch) adran 165,
(d) adrannau 166 a 167, i'r graddau nad ydynt eisoes mewn grym,
(dd) adrannau 168 i 170,
(e) adran 171, i'r graddau nad yw eisoes mewn grym,
(f) yn adran 172, is-adrannau (1) i (5), ac eithrio i'r graddau y maent yn ymwneud â chymhwysiad adrannau 21 i 22 o Ddeddf Landlord a Thenant 1985[2], fel y'u hamnewidir neu fel y'u mewnosodir gan adrannau 152 i 154, i'r Goron,
(ff) adran 176 ac Atodlen 13, i'r graddau nad ydynt eisoes mewn grym, a
(g) adran 180, i'r graddau y mae'n ymwneud â diddymu yn Atodlen 14 -
-
(i) y diffiniad o "the valuation date" ym mharagraff 1(1) o Atodlen 6 o Ddeddf Diwygio Cyfraith Lesddaliad, Tai a Datblygu Trefol 1993[3];
(ii) adran 82 o Ddeddf Tai 1996[4]; a
(iii) ym mharagraff 18(2) o Atodlen 10 i'r Ddeddf honno, paragraff (b) a'r gair "and" sydd o'i flaen.
Arbediad a darpariaeth drosiannol
3.
- (1) Yn ystod y cyfnod sy'n dechrau ar 31 Mai 2005 ac sy'n dod i ben ar y dyddiad y mae adrannau 121 i 124 yn dod i rym yn llawn, bydd paragraff 4(2) o Atodlen 6 i Ddeddf Diwygio Cyfraith Lesddaliad, Tai a Datblygu Trefol 1993 yn effeithiol fel petai'r geiriau "persons who are participating tenants immediately before a binding contract is entered into in pursuance of the initial notice" wedi'u rhoi yn lle'r geiriau "participating tenants".
(2) Ni fydd adran 126 yn effeithiol o ran -
-
(a) hysbysiadau a roddir cyn 31 Mai 2005 o dan adran 13 o Ddeddf Diwygio Cyfraith Lesddaliad, Tai a Datblygu Trefol 1993; neu
(b) ceisiadau a wneir cyn 31 Mai 2005 o dan adran 26 o'r Ddeddf honno.
(3) Ni fydd adran 168 yn effeithiol o ran hysbysiadau a gyflwynir o dan adran 146(1) o Ddeddf Cyfraith Eiddo 1925[5] cyn 31 Mai 2005 ynghylch torri unrhyw gyfamod neu amod gan denant.
(4) Ni fydd y diwygiadau a wnaed gan adran 170 yn effeithiol o ran hysbysiadau a gyflwynir o dan adran 146(1) o Ddeddf Cyfraith Eiddo 1925 cyn 31 Mai 2005.
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[6].
D. Elis-Thomas
Llywydd y Cynulliad Cenedlaethol
17 Mai 2005
(Nid yw'r nodyn hwn yn rhan o'r Gorchymyn)
Mae'r Gorchymyn hwn yn dwyn i rym ddarpariaethau pellach Rhan 2 (Diwygio Cyfraith Lesddaliad) o Ddeddf Cyfunddaliad a Diwygio Cyfraith Lesddaliad 2002 ("Deddf 2002").
Daw darpariaethau Deddf 2002 a grybwyllir yn erthygl 2 o'r Gorchymyn i rym, o ran Cymru, ar 31 Mai 2005. Maent yn cynnwys:
-
(a) darpariaethau sy'n diwygio adran 18(1) o Ddeddf Diwygio Cyfraith Lesddaliad, Tai a Datblygu Trefol 1993 ("Deddf 1993") ac Atodlen 6 iddi. Prif effaith y diwygiadau yw y bydd y pris sydd i'w dalu am y rhydd-ddaliad, pan fo'n cael ei brynu gan denantiaid cymwys, yn adlewyrchu gwerth y buddiannau sy'n cael eu dal gan yr holl landlordiaid yn yr eiddo o dan sylw ar y dyddiad y mae hysbysiad o'r hawliad i arfer yr hawl i ryddfreiniad ar y cyd yn cael ei roi o dan adran 13 o Ddeddf 1993 (adran 126). Mae darpariaeth drosiannol berthnasol yn erthygl 3(1) ac arbediad perthnasol yn erthygl 3(2);
(b) darpariaethau newydd y caiff deiliaid lesoedd hir, mewn amgylchiadau penodol, yswirio eu tai odanynt ac eithrio gydag yswiriwr a enwir neu a gymeradwyir gan y landlord (adran 164);
(c) darpariaethau newydd sy'n ei gwneud yn ofynnol i landlordiaid hysbysu deiliaid lesoedd hir bod rhent yn ddyledus (adran 166);
(ch) darpariaethau newydd sy'n atal landlord deiliad les hir rhag arfer hawl ailfynediad neu hawl fforffedu oherwydd methiant y lesddeiliad i dalu rhent, taliadau gwasanaeth neu daliadau gweinyddu pan nad yw'r swm sydd heb ei dalu a'r cyfnod y mae unrhyw ran o'r swm hwnnw wedi bod yn daladwy ar ei gyfer yn fwy na'r swm a'r cyfnod a ragnodir mewn rheoliadau (adran 167);
(d) darpariaethau newydd sy'n atal landlord deiliad les hir rhag cyflwyno hysbysiad fforffedu oherwydd bod cyfamod neu amod yn y les wedi'i dorri oni bai bod y lesddeiliad yn cyfaddef ei fod wedi'i dorri, neu fod llys neu dribiwnlys cymrodeddu wedi penderfynu'n derfynol bod y toriad wedi digwydd (adrannau 168 a 169). Mae arbediad, sy'n berthnasol i adran 168, yn erthygl 3(3); ac
(dd) newidiadau i'r amodau y mae'n rhaid eu bodloni cyn y gall landlord deiliad les hir arfer hawl ailfynediad neu hawl fforffedu oherwydd methiant i dalu taliadau gwasanaeth (adran 170). Mae arbediad perthnasol yn erthygl 3(4).
(Nid yw'r nodyn hwn yn rhan o'r Gorchymyn)
Mae darpariaethau canlynol Deddf 2002 wedi'u dwyn i rym yng Nghymru drwy Orchmynion Cychwyn a wnaed cyn dyddiad y Gorchymyn hwn:
| Y Ddarpariaeth | Y Dyddiad Cychwyn | O.S. Rhif |
| Adrannau 71 i 73 | 30 Mawrth 2004 | 2004/669 |
| Adran 74 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adrannau 75 i 77 | 30 Mawrth 2004 | 2004/669 |
| Adran 78 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adran 79 | 30 Mawrth 2004 | 2004/669 |
| Adran 80 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adrannau 81 i 83 | 30 Mawrth 2004 | 2004/669 |
| Adran 84 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adrannau 85 i 91 | 30 Mawrth 2004 | 2004/669 |
| Adran 92 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adrannau 93 i 103 | 30 Mawrth 2004 | 2004/669 |
| Adrannau 105 i 109 | 30 Mawrth 2004 | 2004/669 |
| Adran 110 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adrannau 111 i 113 | 30 Mawrth 2004 | 2004/669 |
| Adrannau 114 i 120 | 1 Ionawr 2003 | 2002/3012 |
| Adran 122 (yn rhannol) | 1 Ionawr 2003 | 2002/3012 |
| Adran 125 | 1 Ionawr 2003 | 2002/3012 |
| Adrannau 127 i 147 | 1 Ionawr 2003 | 2002/3012 |
| Adrannau 148 i 150 | 30 Mawrth 2004 | 2004/669 |
| Adran 151 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adrannau 152 a 153 (yn rhannol) | 1 Ionawr 2003 | 2002/3012 |
| Adran 155 | 30 Mawrth 2004 | 2004/669 |
| Adran 156 (yn rhannol) | 1 Ionawr 2003 | 2002/3012 |
| Adran 157 (yn rhannol) | 30 Mawrth 2004 | 2004/669 |
| Adrannau 158 a 159 | 30 Mawrth 2004 | 2004/669 |
| Adrannau 160 i 162 | 1 Ionawr 2003 | 2002/3012 |
| Adran 163 | 30 Mawrth 2004 | 2004/669 |
| Adran 164 (yn rhannol) | 1 Ionawr 2003 | 2002/3012 |
| Adrannau 166 a 167 (yn rhannol) | 1 Ionawr 2003 | 2002/3012 |
| Adran 171 (yn rhannol) | 1 Ionawr 2003 | 2002/3012 |
| Adran 172 (yn rhannol) | 30 Mawrth 2004 | 2004/669 |
| Adran 173 | 30 Mawrth 2004 | 2004/669 |
| Adran 174 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Adran 175 | 30 Mawrth 2004 | 2004/669 |
| Adran 176 (yn rhannol) | 30 Mawrth 2004 | 2004/669 |
| Adran 180 (yn rhannol) | 1 Ionawr 2003 30 Mawrth 2004 | 2002/3012 2004/669 |
| Atodlen 6 | 30 Mawrth 2004 | 2004/669 |
| Atodlen 7 | 30 Mawrth 2004 | 2004/669 |
| Atodlen 9 | 30 Mawrth 2004 | 2004/669 |
| Atodlen 10 (yn rhannol) | 30 Mawrth 2004 | 2004/669 |
| Atodlen 11 | 30 Mawrth 2004 | 2004/669 |
| Atodlen 12 | 1 Ionawr 2003 (yn rhannol) 30 Mawrth 2004 (y gweddill) | 2002/3012 2004/669 |
| Atodlen 13 (yn rhannol) | 30 Mawrth 2004 | 2004/669 |
| Atodlen 14 (yn rhannol) | 1 Ionawr 2003 30 Mawrth 2004 | 2002/3012 2004/669 |
Mae Gorchymyn Deddf Cyfunddaliad a Diwygio Cyfraith Lesddaliad 2002 (Cychwyn Rhif 5 ac Arbediad a Darpariaeth Drosiannol) 2004 (O.S. 2004/3056) (p.127) wedi dwyn i rym, o ran Cymru a Lloegr, adran 180 o Ddeddf 2002 i'r graddau y mae'n ymwneud â diddymu yn Atodlen 14 adran 104 o'r Ddeddf honno.
Mae darpariaethau yn Rhan 1 o Ddeddf 2002 (Cyfunddaliad) wedi'u dwyn i rym o ran Cymru a Lloegr gan y Gorchmynion Cychwyn canlynol -
-
Gorchymyn Deddf Cyfunddaliad a Diwygio Cyfraith Lesddaliad 2002 (Cychwyn Rhif 3) 2003 (O.S. 2003/2377) (p.91); a
-
Gorchymyn Deddf Cyfunddaliad a Diwygio Cyfraith Lesddaliad 2002 (Cychwyn Rhif 4) 2004 (O.S. 2004/1832) (p.76).
Notes:
[1] 2002 p.15. Gweler y diffiniad o "the appropriate national authority" yn adran 181(4).back
[2] 1985 p.70. (Caiff adrannau 21, 21A, 21B a 22 eu hamnewid neu eu mewnosod pan ddaw adrannau 152 i 154 o Ddeddf Cyfunddaliad a Diwygio Cyfraith Lesddaliad 2002 i rym yn llawn).back
ISBN 0 11 091133 4