ystyr "anifeiliaid" ("animals") yw gwartheg (ond heb gynnwys buail a iacod), ceirw, geifr, defaid a moch;

mae i "ardal i anifeiliaid" ("animal area") yr ystyr a roddir iddo yn erthygl 5(2)(c);

ystyr "crynhoad anifeiliaid" ( "animal gathering") yw achlysur pan gaiff anifeiliaid eu crynhoi ynghyd at un neu fwy o'r dibenion canlynol  - 

(a) gwerthiant, sioe neu arddangosfa;

(b) llwyth o anifeiliaid i'w traddodi ymlaen o fewn Prydain Fawr;

(c) archwiliad i gadarnhau bod gan yr anifeiliaid nodweddion brid penodol;

(a) sicrhau mai yn yr ardal i anifeiliaid y caiff yr anifeiliaid eu dadlwytho a'u hail-lwytho, a

(b) sicrhau, i'r graddau y mae hynny'n rhesymol ymarferol, nad yw anifeiliaid yn gadael yr ardal i anifeiliaid ac eithrio ar gerbyd.

    (4) Yn achos crynhoad anifeiliaid y mae erthyglau 8 i 9 yn gymwys, rhaid i'r trwyddedai sicrhau  - 

(a) na ddeuir â'r un anifail i'r fangre cyn dechrau'r crynhoad anifeiliaid; a

(b) bod pob anifail yn cael ei symud o'r fangre erbyn diwedd y crynhoad anifeiliaid.

Y dyletswyddau sydd ar bersonau sy'n bresennol mewn crynhoad anifeiliaid
     2.  - (1) Ni chaiff neb fynd ar fangre drwyddedig yn gwisgo dillad allanol y mae arnynt arwyddion gweledol eu bod wedi'u halogi â dom anifeiliaid neu halogion eraill sy'n deillio o anifeiliaid.

    (2) Os bydd person yn yr ardal i anifeiliaid yn gwisgo dillad allanol ac arnynt arwyddion gweledol eu bod wedi eu halogi â dom anifeiliaid neu halogion eraill sy'n deillio o anifeiliaid, rhaid iddo ar ei union ar ôl gadael yr ardal i anifeiliaid, lanhau halogi garw oddi ar ei ddillad (onid yw'r dillad i gael eu taflu) a naill ai  - 

(a) eu diheintio;

(b) newid ei ddillad am ddillad glân;

(c) eu taflu; neu

(d) ymadael â'r fangre drwyddedig.

    (3) Os bydd person y tu allan i'r ardal i anifeiliaid yn gwisgo dillad allanol ac arnynt arwyddion gweledol eu bod wedi eu halogi â dom anifeiliaid neu halogion eraill sy'n deillio o anifeiliaid, caiff arolygydd gyflwyno iddo hysbysiad yn rhoi iddo'r dewis a hynny ar ei union  - 

(a) glanhau ei ddillad allanol,

(b) newid ei ddillad am ddillad glân,

(c) gwaredu dillad y gellir eu taflu, neu

(d) ymadael â'r fangre drwyddedig.

Esgidiau i'w gwisgo yn yr ardal i anifeiliaid
     3. Rhaid i unrhyw berson sy'n ymadael â'r ardal i anifeiliaid lanhau a diheintio ei esgidiau yn y baddon traed sydd wedi'i ddarparu.

Cerbydau
     4.  - (1) Ni chaiff neb ddod ag unrhyw gerbyd nac offer a gludir ar y cerbyd hwnnw ar y fangre drwyddedig na mynd â hwy oddi yno os ydynt wedi'u halogi â dom anifeiliaid.

    (2) Ni fydd y paragraff hwn yn gymwys i unrhyw gerbyd neu gyfarpar sy'n dod ar fangre drwyddedig  - 

(a) ac arnynt arwyddion gweledol eu bod wedi'u halogi â dom yr anifeiliaid neu halogiad arall sy'n deillio o anifeiliaid a oedd yn cael eu cludo ar y cerbyd pan ddaethpwyd â'r cerbyd ar y fangre drwyddedig;

(b) yn unswydd er mwyn eu glanhau a'u diheintio, os yr eir â hwy yn unionsyth i'r cyfleusterau glanhau a diheintio yn ddi-oed ar ôl cyrraedd y fangre.

    (3) Ni fydd y paragraff hwn yn gymwys i unrhyw gerbyd neu gyfarpar sy'n ymadael â mangre drwyddedig  - 

(a) ac arnynt arwyddion gweledol eu bod wedi'u halogi â dom anifeiliaid neu halogiad arall sy'n deillio o anifeiliaid sydd wedi cael eu dadlwytho o'r cerbyd ar y fangre drwyddedig;

(b) ac arnynyt arwyddion gweledol eu bod wedi'u halogi â dom yr anifeiliaid neu halogiad arall sy'n deillio o anifeiliaid a oedd yn cael eu llwytho ar y cerbyd ar y fangre drwyddedig

• mae'n darparu y caiff y trwyddedai newid amser dechrau'r cyfnod o 48 awr o werthiant ar fangre wedi'i phalmantu, ar yr amod bod y trwyddedai'n hysbysu Cynulliad Cenedlaethol Cymru yn ogystal â'r awdurdod lleol ac yn rhoi cyhoeddusrwydd i'r newid (erthygl 9);

• mae'n darparu na all gwerthiant o gigydda dynodedig a chasgliadau o gigydda dynodedig ddigwydd ond ar fangre wedi'i phalmantu ac na ellir eu cynnal ar fangre lle mae unrhyw werthiant o fath arall, llwyth o anifeiliaid i'w traddodi ymlaen neu arddangosfa yn digwydd (erthygl 10);

• mae'n darparu eithriad ychwanegol at y gwaharddiad na cheir dod â cherbyd halogedig gan dom anifeiliaid i'r fangre drwyddedig nac ohoni (paragraff 4 o'r Atodlen).

Mae'n ei gwneud yn ofynnol cael trwydded am grynoadau anifeiliaid, fel y bu hi'n ofynnol eisoes (erthygl 5). Mae'n pennu na cheir cynnal crynhoad anifeiliaid os nad yw'n digwydd 27 diwrnod ar ôl i'r anifail olaf adael y fangre honno ac ar ôl i halogiad gweladwy gael ei lanhau oddi ar gyfarpar ar y fange honno (erthygl 6). Os ar fangre wedi ei phalmantu y cynhelir y crynhoad, mae erthygl 11 yn gwneud darpariaeth ar gyfer glanhau a diheintio'r fangre honno ac yn caniatáu cynnal crynhoad o fewn y terfynau amser arferol. Mae'n gosod terfyn amser o 48 awr ar grynoadau at ddibenion gwerthiant sy'n cael ei gynnal ar fangre wedi'i phalmantu (erthygl 8) a llwythi o anifeiliaid i'w traddodi ymlaen a gedwir ar unrhyw fangre. Mae'n gosod dyletswyddau ar y personau sy'n bresennol mewn crynhoad anifeiliaid (erthygl 7 a'r Atodlen). Mae'n gosod cyfyngiadau yn sgil crynhoad anifeiliaid (erthygl 12).

Mae'n cael ei orfodi gan yr awdurdod lleol (erthygl 13).

Mae torri'r Gorchymyn yn dramgwydd o dan adran 73 o Ddeddf Iechyd Anifeiliaid 1981, ac yn dwyn cosb yn unol ag adran 75 o'r Ddeddf honno.

Mae arfarniad rheoliadol wedi ei baratoi mewn perthynas â'r Gorchymyn hwn a gellir ei archwilio yn swyddfeydd Adran yr Amgylchedd, Cynllunio a Chefn Gwlad, Adeiladau'r Goron, Parc Cathays, Caerdydd, CF10 3NQ.