- Offerynnau Statudol 2004 Rhif 1605 (Cy.164)
Rheoliadau'r Gwasanaeth Iechyd Gwladol (Ffioedd am Gyffuriau a Chyfarpar) (Cymru) (Diwygio) 2004
© Hawlfraint y Goron 2004
Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.
Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.
Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.
Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Rheoliadau'r Gwasanaeth Iechyd Gwladol (Ffioedd am Gyffuriau a Chyfarpar) (Cymru) (Diwygio) 2004, ISBN 0110909593. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.
Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.
I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.
| Wedi'u gwneud | 23 Mehefin 2004 | ||
| Yn dod i rym | 1 Hydref 2004 |
Mae Cynulliad Cenedlaethol Cymru, trwy arfer y pwerau a roddwyd iddo gan adrannau 77 a 126(4) o Ddeddf y Gwasanaeth Iechyd Gwladol 1977[1] drwy hyn yn gwneud y Rheoliadau canlynol:
Enwi, cychwyn, dehongli a chymhwyso
1. - (1) Enw'r rheoliadau hyn yw Rheoliadau'r Gwasanaeth Iechyd Gwladol (Ffioedd am Gyffuriau a Chyfarpar) (Cymru) (Diwygio) 2004 a deuant i rym ar 1 Hydref 2004.
(2) Yn y Rheoliadau hyn, ystyr "y prif Reoliadau" ("the principal Regulations") yw Rheoliadau'r Gwasanaeth Iechyd Gwladol (Ffioedd am Gyffuriau a Chyfarpar) (Cymru) 2001[2].
(3) Mae'r Rheoliadau hyn yn gymwys i Gymru yn unig.
Diwygio rheoliad 2 o'r prif Reoliadau
2. - (1) Mae Rheoliad 2 o'r prif Reoliadau (dehongli) yn cael ei ddiwygio yn unol â darpariaethau canlynol y rheoliad hwn.
(2) Ym mharagraff (1) mewnosoder y diffiniad canlynol yn y lle priodol yn nhrefn yr wyddor -
-
"
mae i "Bwrdd Iechyd Lleol" yr ystyr a roddir i "Local Health Board" gan adran 16BA o'r Ddeddf;".
(3) Ar ôl paragraff (1), mewnosoder y paragraff canlynol -
-
"
(1A) Bydd y geiriau "Awdurdod Iechyd", ym mhob man lle maent yn digwydd, yn effeithiol fel pe rhoddwyd yn eu lle'r geiriau "Bwrdd Iechyd Lleol".".
Diwygio symiau a bennir yn y prif Reoliadau
3.
Am bob swm a bennir yng ngholofn (3) o'r Atodlen i'r Rheoliadau hyn, lle mae'n ymddangos yn narpariaeth y prif Reoliadau a bennir mewn perthynas ag ef yng ngholofn (1) (y dangosir y pwnc amdano yng ngholofn (2)), rhodder y swm a bennir mewn perthynas ag ef yng ngholofn (4) yn ei le.
Diwygio rheoliad 8 o'r prif Reoliadau
4.
Yn rheoliad 8(2)(b) yn lle "is-baragraff (b)" rhodder "is-baragraff (a)".
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[3]
D. Elis-Thomas
Llywydd y Cynulliad Cenedlaethol
23 Mehefin 2004
| (1) | (2) | (3) | (4) |
| Y ddarpariaeth yn y prif Reoliadau | Y pwnc | yr hen swm | y swm newydd |
| Rheoliad 3 - | Cyflenwi cyffuriau a chyfarpar gan fferyllwyr - | ||
| paragraff (1)(a) | ffi am hosanau elastig - | ||
| fesul eitem | £ 6.00 | £ 5.00 | |
| fesul pâr | £ 12.00 | £ 10.00 | |
| paragraff (1)(b) | ac am gyfarpar na phennir ym mharagraff (1)(a) | £ 6.00 | £ 5.00 |
| paragraff (1A)(a) | ffi am hosanau elastig - | ||
| fesul eitem | £ 6.00 | £ 5.00 | |
| fesul pâr | £ 12.00 | £ 10.00 | |
| paragraff (1A)(b) | ffi am gyffuriau, ac am gyfarpar na phennir ym mharagraff (1A)(b) | £ 6.00 | £ 5.00 |
| paragraff (4) | ffi am gyffuriau, a gyflenwir fesul tipyn | £ 6.00 | £ 5.00 |
| Rheoliad 4 - | Cyflenwi cyffuriau a chyfarpar gan feddygon - | ||
| paragraff (1)(a) | ffi am hosanau elastig | ||
| fesul eitem | £ 6.00 | £ 5.00 | |
| fesul pâr | £ 12.00 | £ 10.00 | |
| paragraff (1)(b) | ffi am gyffuriau, ac am gyfarpar na phennir ym mharagraff (1)(a) | £ 6.00 | £ 5.00 |
| Rheoliad 5 - | Cyflenwi cyffuriau a chyfarpar i gleifion allanol gan Fyrddau Iechyd Lleol ac Ymddiriedolaethau GIG - | ||
| paragraff (1)(a) | ffi am hosanau elastig - | ||
| fesul eitem | £ 6.00 | £ 5.00 | |
| fesul pâr | £ 12.00 | £ 10.00 | |
| paragraff (1)(c) | ffi am deits | £ 12.00 | £ 10.00 |
| paragraff (1)(d) | ffi am gyffuriau, ac am gyfarpar na phennir ym mharagraff (1)(a) neu (1)(c), neu Atodlen 1 | £ 6.00 | £ 5.00 |
| paragraff (5) | ffi am gyffuriau a gyflenwir fesul tipyn | £ 6.00 | £ 5.00 |
| Rheoliad 6 - | Cyflenwi cyffuriau a chyfarpar mewn Canolfannau cerdded i mewn | ||
| paragraff (1)(a) | ffi am hosanau elastig - | ||
| fesul eitem | £ 6.00 | £ 5.00 | |
| fesul pâr | £ 12.00 | £ 10.00 | |
| Paragraff (1)(b) | ffi am gyffuriau, ac am gyfarpar na phennir ym mharagraff (1)(a) | £ 6.00 | £ 5.00 |
| paragraff (4) | ffi am gyffuriau a gyflenwir fesul tipyn | £ 6.00 | £ 5.00 |
| Rheoliad 7(1) |
Cyflenwi cyffuriau o dan Gyfarwyddyd Gr p Cleifion |
||
| ffi am gyffuriau | £ 6.00 | £ 5.00 | |
| Rheoliad 10(5) | Tystysgrif ragdalu - | ||
| 4 mis | £ 31.40 | £ 26.16 | |
| 12 mis | £ 84.60 | £ 71.83 |
(Nid yw'r nodyn hwn yn rhan o'r Rheoliadau)
Mae'r Rheoliadau hyn yn diwygio ymhellach Reoliadau'r Gwasanaeth Iechyd Gwladol (Ffioedd am Gyffuriau a Chyfarpar) (Cymru) 2001 ("y prif Reoliadau"), sy'n darparu ar gyfer codi a chasglu ffioedd am gyffuriau a chyfarpar sy'n cael eu cyflenwi gan feddygon a fferyllwyr sy'n darparu gwasanaethau fferyllol a gweinyddol, a chan Fyrddau Iechyd Lleol ac Ymddiriedolaethau GIG i gleifion allanol.
Mae rheoliad 2 o'r prif Reoliadau yn cael ei ddiwygio fel y bydd cyfeiriadau at "awdurdod iechyd" yn cael eu trin fel cyfeiriadau at "fwrdd iechyd lleol".
Mae'r diwygiadau a wneir gan reoliad 3 a'r Atodlen yn gostwng y ffi am eitemau ar bresgripsiwn a gyflenwir i gleifion allanol o £6.00 i £5.00. Gostyngir y ffi am hosanau elastig o £6.00 i £5.00 (o £12.00 i £10.00 fesul pâr) a'r ffi am deits o £12.00 i £10.00. Gostyngir y symiau a ragnodir i roi tystysgrifau rhagdalu o £31.40 i £26.16 am dystysgrif pedwar mis ac o £86.20 i £71.83 am dystysgrif deuddeg mis.
Mae diwygiadau a wneir gan reoliad 4 yn darparu na fydd ffi yn daladwy gan bersonau o dan 25 oed am gyflenwi cyfarpar a chyffur penodol yn unol â rheoliad 5 o'r prif Reoliadau (cyflenwi cyffuriau a chyfarpar gan Fyrddau Iechyd Lleol ac Ymddiriedolaethau GIG).
Notes:
[1] {d1}{t1}1977 p.49; gweler adran 128(1) fel y'i diwygiwyd gan Ddeddf Gwasanaeth Iechyd Gwladol a Gofal Cymunedol 1990 (p.19) ("Deddf 1990"), adran 26(2)(g) ac (i), i gael y diffiniad o "prescribed" a "regulations".{d1}{t1}Diwygiwyd adran 126(4) gan Ddeddf 1990, adran 65(2) a Deddf Iechyd 1999 (p.8) ("Deddf 1999"), Atodlen 4, paragraff 37(6).{d1}{t1}Trosglwyddwyd swyddogaethau'r Ysgrifennydd Gwladol o dan adrannau 77 a 126(4) i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S.1999/672), erthygl 2 ac Atodlen 1, fel y'i diwygiwyd gan Ddeddf 1999, adran 66(4) Deddf Iechyd a Gofal Cymdeithasol 2001 (p.15), adran 68(1), Deddf Diwygio'r Gwasanaeth Iechyd Gwladol a Phroffesiynau Gofal Iechyd 2002 (p.17), adran 40(1) a Deddf Iechyd a Gofal Cymdeithasol (Iechyd Cymunedol a Safonau) 2003 (p.43), adran 197(1) .back
[2] O.S.2001/1358 (Cy.86). Yr offerynnau diwygio perthnasol yw O.S.2001/2359 (Cy.196) a 2004/1018 (Cy.115).back
ISBN 0 11 090959 3