- Mae'n dileu'r ddarpariaeth ddarfod fel bod gan y Gorchymyn bellach effaith barhaol (erthygl 1).
- Mae'n diwygio'r darpariaethau sy'n ymwneud ag adnabod moch -
- fel bod rhaid i fochyn dros 12 mis oed fod wedi'i farcio â marc adnabod neu slapfarc (erthygl 14), cyn cael ei symud oddi ar ddaliad, a bod rhaid i fochyn 12 mis oed neu'n iau fod wedi'i farcio yn y ffordd honno neu â marc dros dro (erthygl 15); a
- fel bod rhaid i fochyn sy'n cael ei fewnforio o'r tu allan i'r Undeb Ewropeaidd gael ei adnabod yn naliad y gyrchfan â thag clust neu datw sy'n cynnwys y llythrennau "UK" ac ar ôl hynny y llythyren "F" (erthygl 16).
- bod rhaid i fochyn 12 mis oed neu'n iau sy'n cael ei symud i ladd-dy neu farchnad gigydda gael ei farcio â marc adnabod neu slapfarc (erthygl 18);
- bod rhaid i fochyn sy'n cael ei symud i sioe, arddangosfa neu i'w allforio a hefyd i'w fridio, lle bwriedir i'r mochyn gael ei ddychwelyd i'r daliad y cafodd ei symud oddi arno, gael ei farcio â marc adnabod unigryw sy'n cynnwys rhif adnabod unigol unigryw (erthyglau 19 a 20).
- Mae'n ychwanegu erthygl 6 sy'n ei gwneud yn ofynnol i feddianwyr lladd-dai gofnodi manylion moch sydd heb eu hadnabod o dan y Gorchymyn hwn.
- Mae'n estyn y cyfnod y mae rhaid cadw cofnodion o 3 blynedd i 6 mlynedd (erthygl 9).
- Offerynnau Statudol 2004 Rhif 996 (Cy.104)
Gorchymyn Moch (Cofnodion, Adnabod a Symud) (Cymru) 2004
© Hawlfraint y Goron 2004
Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.
Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.
Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.
Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Gorchymyn Moch (Cofnodion, Adnabod a Symud) (Cymru) 2004, ISBN 0110909178. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.
Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.
I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.
| Wedi'u gwneud | 30 Mawrth 2004 | ||
| Yn dod i rym | 31 Mawrth 2004 |
| 1. | Teitl, cymhwyso a chychwyn |
| 2. | Dehongli |
| 3. | Trwyddedau, awdurdodiadau a chymeradwyaethau |
| 4. | Hysbysiadau daliadau |
| 5. | Cofnodion symud |
| 6. | Cofnodion lladd-dai |
| 7. | Cofnodion gwerthu mewn arwerthiant |
| 8. | Cofnod o'r nifer o foch ar ddaliad |
| 9. | Cadw cofnodion |
| 10. | Marc adnabod |
| 11. | Gofynion ar gyfer tagiau clust |
| 12. | Slapfarc |
| 13. | Marciau ychwanegol |
| 14. | Adnabod moch dros 12 mis a symudir oddi ar ddaliad |
| 15. | Adnabod moch o dan 12 mis a symudir oddi ar ddaliad |
| 16. | Adnabod moch a symudir i ddaliad o'r tu allan i'r Gymuned Ewropeaidd |
| 17. | Gofynion adnabod ychwanegol |
| 18. | Symud moch 12 mis oed neu'n iau i ladd-dy |
| 19. | Symud moch i sioeau, arddangosfeydd, ac at ddibenion bridio |
| 20. | Symud moch i'w hallforio |
| 21. | Symud moch |
| 22. | Trwyddedau cerdded ar gyfer moch anwes |
| 23. | Daliadau cymeradwy |
| 24. | Dileu marc adnabod |
| 25. | Amnewid marc adnabod |
| 26. | Cyflwyno dogfennau a chofnodion |
| 27. | Gorfodi |
| 28. | Dirymu |
| ATODLEN | COFNOD SYMUDIADAU'R DALIAD |
Mae Cynulliad Cenedlaethol Cymru a'r Ysgrifennydd Gwladol, gan weithredu ar y cyd wrth arfer y pwerau a roddwyd iddynt gan adrannau 1 ac 8(1) o Ddeddf Iechyd Anifeiliaid 1981[1] yn gwneud y Gorchymyn canlynol:
Teitl, cymhwyso a chychwyn
1. Enw'r Gorchymyn hwn yw Gorchymyn Moch (Cofnodion, Adnabod a Symud) (Cymru) 2004; mae'n gymwys i Gymru, a daw i rym ar 31 Mawrth 2004.
Dehongli
2. Yn y Gorchymyn hwn -
-
ystyr "ceidwad" ("keeper") yw unrhyw berson sydd â gofal a rheolaeth dros foch, boed hynny ar sail dros dro neu barhaol, ond nid yw'n cynnwys person nad yw ond yn cludo moch; a
-
"ystyr "Cynulliad Cenedlaethol" ("National Assembly") yw Cynulliad Cenedlaethol Cymru.
-
ystyr "daliad" ("holding") yw unrhyw sefydliad, adeiladwaith neu, yn achos fferm awyr agored, unrhyw le y mae moch yn cael eu dal, eu cadw neu eu trafod;
-
mae i "daliad cymeradwy" ("approved holding") yr ystyr a roddir iddo yn erthygl 23;
-
mae i "marc adnabod" ("identification mark") yr ystyr a roddir iddo yn erthygl 10;
-
ystyr "marc y genfaint" ("herdmark") yw'r cod alffaniwmerig a ddyrennir i genfaint o foch gan y Cynulliad Cenedlaethol yn unol ag erthygl 4(2);
-
ystyr "rhif CPH" ("CPH number") yw rhif daliad a neilltuir o dro i dro i unrhyw ddaliad neu ran o unrhyw ddaliad gan y Cynulliad Cenedlaethol.
Trwyddedau, awdurdodiadau a chymeradwyaethau
3.
Rhaid i unrhyw drwydded, awdurdodiad neu gymeradwyaeth o dan y Gorchymyn hwn fod yn ysgrifenedig, gall fod yn amodol ar amodau a chaniateir ei hatal, diwygio neu ddirymu yn ysgrifenedig ar unrhyw amser.
Hysbysiadau daliadau
4. - (1) Rhaid i geidwad hysbysu'r Cynulliad Cenedlaethol Cynulliad am yr wybodaeth ganlynol o fewn un mis ar ôl sefydlu daliad -
-
(a) cyfeiriad y daliad; a
(b) enw a chyfeiriad perchennog neu feddiannydd y daliad.
(2) Rhaid i'r Cynulliad Cenedlaethol roi cod alffaniwmerig ar gyfer pob cenfaint o foch ar y daliad ("marc y genfaint"), ar ôl i'r wybodaeth ym mharagraff (1) gael ei darparu.
(3) Rhaid i geidwad hysbysu'r Cynulliad Cenedlaethol am unrhyw newid neu y chwanegiad at yr wybodaeth ym mharagraff (1) o fewn un mis ar ôl y newid neu'r ychwanegiad.
(4) Nid yw paragraff (1) yn gymwys i geidwad sydd eisioes wedi hysbysu'r Cynulliad Cenedlaethol.
(5) Rhaid i unrhyw hysbysiad y mae ei angen o dan yr erthygl hon fod yn ysgrifenedig.
Cofnodion symud
5.
- (1) Rhaid i geidwad gofnodi pob un o symudiadau mochyn i'w ddaliad ac oddi yno o fewn 36 awr ar ôl y symud.
(2) Rhaid i'r cofnod fod yn y ffurf a nodir yn yr Atodlen.
(3) Os yw'r symud ar gyfer unrhyw ddiben y cyfeirir ato yn erthyglau 19 neu 20 rhaid i'r ceidwad hefyd gofnodi'r rhif adnabod unigol unigryw.
Cofnodion Lladd-dai
6.
- (1) Rhaid i feddiannydd lladd-dy, yn ychwanegol at ofynion erthygl 5, gofnodi manylion unrhyw fochyn y deuir ag ef i ladd-dy -
-
(a) nad yw wedi'i farcio yn unol ag erthygl 14, yn achos mochyn dros 12 mis oed;
(b) nad yw wedi'i farcio yn unol ag erthygl 18 yn achos mochyn 12 mis oed neu'n iau; ac
(c) nad yw'r ddogfen sy'n ofynnol gan erthygl 21 gydagef.
(2) Rhaid i'r manylion i'w cofnodi gael eu cadw ar wahân i'r wybodaeth sy'n ofynnol gan erthygl 5 a rhaid iddynt gynnwys hefyd -
-
(a) enw ceidwad y mochyn; a
(b) y daliad yr anfonwyd y mochyn oddi arno i'w gigydda.
Cofnodion gwerthu mewn arwerthiant
7.
- (1) Mewn marchnad lle gwerthir moch trwy arwerthiant rhaid i feddiannydd y farchnad, ar gyfer pob lot of foch, gofnodi -
-
(a) yr wybodaeth yn yr Atodlen;
(b) enw'r gwerthwr a'r prynwr; a
(c) rhif y lloc lle y daliwyd pob lot.
(2) Rhaid i'r cofnod gael ei wneud o fewn 36 awr ar ôl y gwerthiant.
Cofnod o'r nifer o foch ar ddaliad
8.
O leiaf unwaith y flwyddyn rhaid i'r ceidwad gadw cofnodion uchafswm nifer y moch sy'n bresennol fel rheol ar y daliad.
Cadw cofnodion
9.
- (1) Rhaid i unrhyw berson y mae'n ofynnol iddo wneud cofnodion o dan y Gorchymyn hwn eu cadw am o leiaf 6 blynedd o ddiwedd y flwyddyn y gwnaed y cofnod ynddi.
(2) Caiff cofnodion fod yn ysgrifenedig neu ar ffurf electronig.
Marc adnabod
10. - (1) Marc adnabod yw -
-
(a) tag clust sydd wedi'i stampio neu wedi'i argraffu â'r llythrennau "UK" ac ar ôl hynny marc y genfaint; neu
(b) tatw o farc y genfaint sy'n ddarllenadwy am oes y mochyn.
(2) At ddibenion erthyglau 19 a 20 rhaid i farc y genfaint ym mharagraff (1) gael ei ddilyn gan rif adnabod unigol unigryw a neilltuir i'r mochyn gan y ceidwad.
Gofynion ar gyfer tagiau clust
11.
Rhaid i dag clust -
-
(a) bod yn hawdd ei ddarllen drwy gydol oes y mochyn;
(b) bod wedi'i wneud naill ai o fetel neu blastig neu gyfuniad o fetel a phlastig;
(c) bod yn amhosibl ymhêl ag ef;
(ch) bod yn amhosibl ei ail-ddefnyddio;
(d) gallu gwrthsefyll gwres yn ddigonol fel na fydd prosesu'r carcas yn sgil cigydda yn difrodi'r tag clust na'r wybodaeth sydd wedi'i stampio arno;
(dd) fod o ddylunwaith a fydd yn dal i fod ynghlwm wrth y mochyn heb beri niwed iddo.
Slapfarc
12.
Tatw o farc y genfaint a roddir ar ddwy ysgwydd flaen y mochyn yw slapfarc.
Marciau ychwanegol
13.
Nid oes dim yn y Gorchymyn hwn yn atal ceidwad rhag marcio'r mochyn ag unrhyw wybodaeth arall, neu rhag ychwanegu gwybodaeth ychwanegol at y marc adnabod, ar yr amod nad yw'r marciau hyn yn effeithio ar y gallu i darllen y marc adnabod neu'r slapfarc.
Adnabod moch dros 12 mis oed a symudir oddi ar ddaliad
14. Ni chaiff neb symud mochyn dros 12 mis oed oddi ar ddaliad oni bai ei fod wedi'i farcio â'r canlynol -
-
(a) marc adnabod; neu
(b) slapfarc sy'n ddarllenadwy drwy gydol oes y mochyn a thrwy gydol prosesu ei garcas.
Adnabod moch o dan 12 mis oed a symudir oddi ar ddaliad
15.
- (1) Ni chaiff neb symud mochyn 12 mis oed neu'n iau oddi ar ddaliad oni bai ei fod wedi'i adnabod yn unol ag erthygl 14 neu â marc dros dro.
(2) Rhaid i farc dros dro -
-
(a) naill ai ar ei ben ei hun neu drwy gyfeirio at ddogfen sydd gyda'r mochyn yn ystod y symud, alluogi'r daliad y symudwyd y mochyn oddi arno ddiwethaf i gael ei adnabod; a
(b) para nes y bydd y mochyn yn cyrraedd ei gyrchfan.
Adnabod moch a symudir i ddaliad o'r tu allan i'r Undeb Ewropeaidd
16.
- (1) Rhaid i unrhyw berson sy'n mewnforio mochyn o'r tu allan i'r Undeb Ewropeaidd roi tag clust neu datw ar y mochyn sy'n cynnwys yr wybodaeth ganlynol, yn y drefn ganlynol -
-
(a) y llythrennau "UK";
(b) marc cenfaint y genfaint y cyflwynir y mochyn a fewnforiwyd iddi;
(c) unrhyw wybodaeth arall, os yw'r ceidwad yn dymuno defnyddio gwybodaeth o'r fath; a
(ch) y llythyren "F".
(2) Rhaid i'r tag clust neu'r tatw gael ei roi ar y mochyn o fewn 30 diwrnod ar ôl iddo gyrraedd daliad y gyrchfan, a beth bynnag, cyn iddo gael ei symud o'r daliad hwnnw.
Gofynion adnabod ychwanegol
17. Mae'r gofynion adnabod ar gyfer symud a bennir yn erthyglau 18 i 20 yn gymwys yn ychwanegol at y gofynion yn Rhan 4.
Symud moch 12 mis oed neu'n iau i ladd-dy
18. - (1) Ni chaiff neb symud mochyn 12 mis oed neu'n iau oddi ar ddaliad i ladd-dy neu farchnad gigydda oni bai ei fod wedi'i farcio â -
-
(a) marc adnabod; neu
(b) slapfarc sy'n ddarllenadwy drwy gydol oes y mochyn a thrwy gydol prosesu ei garcas.
(2) Yn yr erthygl hon, ystyr marchnad gigydda yw marchnad i werthu moch y bwriedir eu cigydda yn ddiymdroi.
Symud moch i sioeau, arddangosfeydd ac at ddibenion bridio
19.
Ni chaiff neb symud mochyn oddi ar ddaliad -
-
(a) i sioe neu arddangosfa; neu
(b) at ddibenion bridio gyda'r bwriad o ddychwelyd y mochyn i'r daliad y cafodd ei symud oddi arno
oni bai ei fod wedi'i farcio â marc adnabod sy'n cynnwys rhif adnabod unigol unigryw yn unol ag erthygl 10(2).
Symud moch i'w hallforio
20.
- (1) Ni chaiff neb symud mochyn oddi ar ddaliad at ddibenion masnach neu allforio rhyng-Gymunedol oni bai ei fod wedi'i farcio â marc adnabod sy'n cynnwys -
-
(a) rhif adnabod unigol unigryw yn unol ag erthygl 10(2); a
(b) y llythrennau "UK" o flaen marc y genfaint.
(2) Mae paragraff (1) yn gymwys p'un ai tag clust ynteu tatw yw marc adnabod.
Symud moch
21. - (1) Rhaid i unrhyw berson sy'n cludo moch gario dogfen, a lofnodwyd gan y ceidwad sy'n pennu -
-
(a) y cyfeiriad, gan gynnwys cod post a rhif CPH y daliadau y mae'r moch yn cael eu symud oddi arnynt ac iddynt;
(b) y dyddiad y mae'r symud yn digwydd;
(c) y nifer o foch y mae'r ddogfen honno'n eu cwmpasu;
(ch) marc adnabod pob un o'r moch a symudir; ac
(d) yn achos symud mochyn o farchnad, rhif lot y moch sy'n cael eu symud.
(2) Rhaid i unrhyw berson sy'n cludo mochyn roi'r ddogfen y cyfeirir ati ym mharagraff (1) i'r ceidwad yn naliad y gyrchfan a rhaid i'r ceidwad ei chadw am o leiaf 6 mis.
(3) Rhaid i geidwad daliad y gyrchfan anfon copi o'r ddogfen y cyfeirir ati ym mharagraff (1) at yr awdurdod lleol, a hynny o fewn 3 diwrnod ar ôl i'r mochyn gyrraedd.
(4) Rhaid i geidwad mochyn sy'n cael ei symud y tu allan i Gymru anfon copi o'r ddogfen y cyfeirir ati ym mharagraff (1) at yr awdurdod lleol ar gyfer y daliad traddodi.
Trwyddedau cerdded i foch anwes
22.
- (1) Caiff ceidwad mochyn anwes wneud cais i'r Ysgrifennydd Gwladol am drwydded ("trwydded gerdded") sy'n caniatáu i'r ceidwad symud y mochyn heb gydymffurfio ag erthyglau 5 a 21.
(2) Rhaid i'r person sy'n symud y mochyn o dan y drwydded hon gario copi ohoni drwy gydol y symud.
Daliadau cymeradwy
23.
- (1) Daliad y caiff y Cynulliad Cenedlaethol ei gymeradwyo at ddibenion symud moch y bwriedir eu bridio neu eu pesgi yw daliad cymeradwy.
(2) Rhaid i'r gymeradwyaeth bennu pa ddaliadau y gellir symud moch oddi arnynt a pha ddaliadau y gellir eu symud iddynt.
(3) Nid yw symud moch rhwng daliadau sydd wedi'u cymeradwyo o dan yr erthygl hon yn sbarduno'r cyfnod segur yng Ngorchymyn Rheoli Clefydau (Cymru) 2003 [2].
Dileu marc adnabod
24. Ni chaiff neb, oni bai ei fod yn cael ei awdurdodi gan y Cynulliad Cenedlaethol, ddileu marc adnabod a roddir neu a atodir o dan y Gorchymyn hwn.
Amnewid marc adnabod
25. - (1) Ni chaiff neb, oni bai ei fod yn cael ei awdurdodi gan y Cynulliad Cenedlaethol, amnewid marc adnabod a roddir neu a atodir o dan y Gorchymyn hwn oni bai -
-
(a) bod y marc wedi dod yn amhosibl ei ddarllen;
(b) ei fod wedi'i ddileu am resymau lles; neu
(c) ei fod wedi mynd ar goll.
(2) Rhaid i unrhyw berson sy'n amnewid marc adnabod naill ai -
-
(a) defnyddio marc adnabod union debyg; neu
(b) defnyddio marc adnabod newydd a chroes-gyfeirio'r marc adnabod newydd â'r marc adnabod gwreiddiol yn y cofnod a gedwir o dan erthygl 5.
Cyflwyno dogfennau a chofnodion
26.
Caiff arolygydd ei gwneud yn ofynnol i unrhyw gofnodion a wneir o dan y Gorchymyn hwn gael eu cyflwyno os gwneir cais ac i gopi neu allbrint ohono gael ei wneud.
Gorfodi
27.
- (1) Mae'r Gorchymyn hwn i'w orfodi gan yr awdurdod lleol.
(2) Caiff y Cynulliad Cenedlaethol neu'r Ysgrifennydd Gwladol gyfarwyddo, mewn perthynas ag achosion o ddisgrifiad penodol neu unrhyw achos penodol, fod dyletswydd orfodi a osodir ar awdurdod lleol o dan y Gorchymyn hwn i'w gyflawni gan y Cynulliad Cenedlaethol neu gan yr Ysgrifennydd Gwladol (yn ôl y digwydd) ac nid gan yr awdurdod lleol.
Dirymu
28.
- (1) Dirymir y canlynol -
-
(a) Gorchymyn Moch (Cofnodion, Adnabod a Symud) (Mesurau Dros Dro ) (Cymru) (Rhif 2) 2002[3];
(b) Gorchymyn Moch (Cofnodion, Adnabod a Symud) (Mesurau Dros Dro ) (Cymru) (Rhif. 2) (Diwygio) 2003[4]; a
(c) Gorchymyn Moch (Cofnodion, Adnabod a Symud) (Mesurau Dros Dro) (Cymru) (Rhif 2) (Diwygio) (Rhif 2) 2003[5].
(2) Dirymir Gorchymyn Moch (Cofnodion, Adnabod a Symud 1995[6]) mewn perthynas â Chymru yn unig.
Llofnodwyd ar ran Cynulliad Cenedlaethol Cymru
D. Elis-Thomas
Llywydd y Cynulliad Cenedlaethol
30 Mawrth 2004
Ben Bradshaw
Is-ysgrifennydd Seneddol
Adran yr Amgylchedd, Bwyd a Materion Gwledig
30 Mawrth 2004
Enw a chyfeiriad y person sy'n cadw'r cofnod
―
| Dyddiad y Symud | Marc adnabod, slapfarc neu farc dros dro | Nifer y moch | Daliad y cawsant eu symud oddi arno | Daliad y cawsant eu symud iddo |
(Nid yw'r nodyn hwn yn rhan o'r Rheoliadau)
Mae'r Gorchymyn hwn, sy'n gymwys i Gymru yn unig, yn parhau i weithredu Cyfarwyddeb y Cyngor 92/102/EEC ar adnabod a chofrestru anifeiliaid (OJ Rhif L 355, 5.12.92, t.0032) ac yn dirymu ac yn disodli Gorchymyn Moch (Cofnodion, Adnabod a Symud) (Mesurau Dros Dro) (Cymru) (Rhif 2) 2002. (O.S. 2002/2303 (Cy.228), fel y'i diwygiwyd). Mae'n gwneud y newidiadau sylweddol a ganlyn -
-
Yn ychwanegol at y gofynion uchod, mae'r Gorchymyn yn darparu -
Mae Rhan 2 yn nodi gofynion o ran cadw cofnodion, gan gynnwys y gofyniad i gadw cofnodion symud (erthygl 5), cofnodion gwerthu mewn arwerthiant (erthygl 7) a chofnodion am y nifer o foch ar ddaliad (erthygl 8).
Mae Rhan 3 yn diffinio marciau adnabod (erthygl 10) a slapfarciau (erthygl 12) ac yn pennu'r gofynion ar gyfer tagiau clust (erthygl 11). Mae Rhan 6 yn rheoleiddio symud moch (erthygl 21) a moch anwes (erthygl 22) ac yn darparu ar gyfer cymeradwyo daliadau y gellir symud moch oddi arnynt heb sbarduno'r cyfnod segur yng Ngorchymyn Rheoli Clefydau (Cymru) 2003 (O.S. 2003/1966) (Cy. 211) yn naliad y gyrchfan (erthygl 23).
Mae Rhan 7 yn gwahardd dileu ac amnewid marciau adnabod, ac eithrio o dan rai amgylchiadau (erthyglau 24 a 25).
Mae'r Gorchymyn yn cael ei orfodi gan yr awdurdod lleol (erthygl 27).
Mae torri'r Gorchymyn yn dramgwydd o dan adran 73 o Ddeddf Iechyd Anifeiliaid 1981, ac yn dwyn cosb yn unol ag adran 75 o'r Ddeddf honno.
Mae Arfarniad Rheoliadol wedi baratoi ar gyfer y Gorchymyn hwn ac fe'i lleolir yn llyfrgell y Cynulliad Cenedlaethol. Gellir cael copïau oddi wrth yr Is-adran Iechyd Anifeiliaid, Llywodraeth Cynulliad Cymru, Parc Cathays, Caerdydd CF10 3NQ.
Notes:
[1] 1981 p. 22. Trosglwyddwd swyddogaethau a roddwyd o dan Ddeddf 1981 i " the Ministers" (fel y'u diffinnir yn adran 86 o'r Ddeddf honno) i'r graddau yr oeddent yn arferadwy gan Ysgrifennydd Gwladol Cymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672). Trosglwyddwyd y swyddogaethau hynny, i'r graddau yr oeddent yn arferadwy gan yr Ysgrifennydd Gwladol dros yr Alban mewn perthynas â Chymru, i'r Gweinidog dros Amaethyddiaeth, Pysgodfeydd a Bwyd gan Orchymyn Trosglwyddo Swyddogaethau (Amaethyddiaeth a Bwyd) 1999 (O.S. 1999/3141) ac fe'u trosglwyddwyd ymhellach wedyn i'r Ysgrifennydd Gwladol gan Orchymyn y Weinyddiaeth Amaethyddiaeth Pysgodfeydd a Bwyd (Diddymu) 2002 (O.S. 2002/794).back
[2] O.S. 2003/1966 (Cy.211).back
[3] O.S. 2002/2303 (Cy. 228).back
[4] O.S. 2003/170 (Cy.30).back
[5] O.S. 2003/2763 (Cy.268).back
ISBN 0 11 090917 8