- Offerynnau Statudol 2004 Rhif 70 (Cy.6)
Rheoliadau Trwyddedu Rheoli Gwastraff (Diwygio) (Cymru) 2004
© Hawlfraint y Goron 2004
Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.
Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.
Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.
Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Rheoliadau Trwyddedu Rheoli Gwastraff (Diwygio) (Cymru) 2004, ISBN 011090852X. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.
Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.
I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.
| Wedi'u gwneud | 14 Ionawr2004 | ||
| Yn dod i rym | 31 Ionawr 2004 |
Mae Cynulliad Cenedlaethol Cymru, drwy arfer y pwerau a roddwyd i'r Ysgrifennydd Gwladol gan adrannau 29(10) a 64(1) o Ddeddf Diogelu'r Amgylchedd 1990[1] ac sydd bellach wedi eu breinio yng Nghynulliad Cenedlaethol Cymru[2] drwy hyn yn gwneud y Rheoliadau canlynol:
Enwi, cychwyn a chymhwyso
1. - (1) Enw'r Rheoliadau hyn yw Rheoliadau Trwyddedu Rheoli Gwastraff (Diwygio) (Cymru) 2004 a deuant i rym ar 31 Ionawr 2004.
(2) Mae'r Rheoliadau hyn yn gymwys i Gymru.
Diwygio Rheoliadau Trwyddedu Rheoli Gwastraff 1994
2. Mae Rheoliadau Trwyddedu Rheoli Gwastraff 1994[3] yn cael eu diwygio fel a ganlyn.
Diwygio rheoliad 10: cofrestrau cyhoeddus
3. Yn rheoliad 10 (manylion i'w cynnwys mewn cofrestrau cyhoeddus), ar ddiwedd paragraff (1)(g) rhodder:
-
"
(iv) the scores which result from any risk appraisal relating to a site which is subject to a waste management licence;".
Diwygio rheoliad 12: offer symudol
4.
- (1) Yn rheoliad 12 (offer symudol) -
-
(a) ym mharagraff (1) -
-
(i) rhodder, yn lle is-baragraff (d), -
-
"
(d) plant for the treatment of clinical waste;";
-
(ii) ar ôl is-baragraff (e), rhodder -
-
"
(f) plant for the dewatering of muds, sludges, soils and dredgings;
(g) plant for the treatment by lime stabilisation of sludge;
(h) plant for the treatment of contaminated material, substances or products, for the purpose of remedial action with respect to land or controlled waters;"; a
(b) rhodder, ar ôl paragraff (2) -
-
"
(3) For the purposes of paragraph (1)(h), "controlled waters" has the meaning given by section 104 of the Water Resources Act 1991[4].".
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[5]
D. Elis-Thomas
Llywydd y Cynulliad Cenedlaethol
14 Ionawr 2004
(Nid yw'r nodyn hwn yn rhan o'r Rheoliadau)
Mae'r Rheoliadau hyn yn diwygio ymhellach Reoliadau Trwyddedu Diwygio Gwastraff 1994 ("Rheoliadau 1994") mewn perthynas â Chymru.
Mae rheoliad 10 o Reoliadau 1994 yn rhagnodi'r manylion y mae'n rhaid i bob awdurdod rheoli gwastraff eu rhoi ar y gofrestr gyhoeddus y mae'n ei chadw o dan adran 64(1) o Ddeddf Diogelu'r Amgylchedd 1990. Mae rheoliad 3 o'r Rheoliadau hyn yn ychwanegu categori pellach i'r manylion hynny, sef y sgoriau a ddaw allan o unrhyw werthusiad risg ar gyfer safle y mae trwydded rheoli gwastraff yn perthyn iddo.
Mae rheoliad 12 o Reoliadau 1994 yn rhagnodi mathau o offer sydd i'w trin fel offer symudol at ddibenion Rhan II o Ddeddf Diogelu'r Amgylchedd 1990. Mae rheoliad 4 o'r Rheoliadau hyn yn diwygio'r disgrifiad o'r math o offer a ragnodir yn rheoliad 12(1)(d) o Reoliadau 1994 ac yn ychwanegu'r mathau canlynol:
-
(a) offer ar gyfer tynnu d
r o fwd, llaid, priddoedd a charthion;(b) offer ar gyfer trin llaid drwy ei sefydlogi â chalch; a
(c) offer ar gyfer trin deunydd, sylweddau neu gynnyrch halogedig at ddibenion gwaith adferol mewn perthynas â thir neu ddyfroedd rheoledig.
Notes:
[1] 1990 p.43. Diffinnir "prescribed", at ddibenion adran 64(1), yn adran 64(8).back
[2] Trosglwyddwyd swyddogaethau'r Ysgrifennydd Gwladol i Gynulliad Cenedlaethol Cymru, mewn perthynas â Chymru, yn rhinwedd erthygl 2 o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac Atodlen 1 iddo.back
[3] O.S. 1994/1056; yr offerynnau diwygio perthnasol yw O.S. 1995/288 ac O.S. 1996/634.back
[4] 1991 p.57; addaswyd adran 104(1) gan O.S. 1996/3001, O.S 1997/1331 ac O.S. 1997/1332.back
ISBN 0 11090852 X