Offerynnau Statudol 2002 Rhif 3279 (Cy.317)

Gorchymyn Bwrdeistref Sirol Tor-faen (Newidiadau Etholiadol) 2002

---

© Hawlfraint y Goron 2002

Mae'r ddeddfwriaeth ar y wefan hon yn ddarostyngedig i nawdd Hawlfraint y Goron. Gellir ei hatgynhyrchu yn rhad ac am ddim ar yr amod ei bod yn cael ei hatgynhyrchu'n fanwl gywir a bod ffynhonnell a statws hawlfraint y deunydd yn cael eu gwneud yn hollol hysbys i ddefnyddwyr beth yw.

Dylid nodi nad yw'r hawl i atgynhyrchu testun Offerynnau Statudol yn ymestyn i'r hawl i atgynhyrchu argraffnodau Bathodyn Brenhinol Cymru ac Argraffwr y Frenhines.

Paratowyd testun y fersiwn hon o'r Offeryn Statutdol ar gyfer y Rhyngrwyd i adlewyrchu'r testun fel y'i Gwnaethpwyd. Y fersiwn awdurdodol o'r Offeryn Statudol yw copi Argraffwr y Frenhines a gyhoeddwyd gan The Stationery Office Limited o dan y teitl Gorchymyn Bwrdeistref Sirol Tor-faen (Newidiadau Etholiadol) 2002, ISBN 0 11090644 6. Prynu'r eitem hon. Os am gael manylion o sut i gael gafael ar gopi swyddogol gweler Sut mae cael gafael ar gyhoeddiadau The Stationery Office Limited.

Er mwyn sicrhau mynediad cyflym drwy gyfrwng cysylltiadau araf, rhannwyd dogfennau mawrion yn "dalpiau". Pan ymddengys botwm "continue" ar waelod tudalen o'r testun, dynoda fod talp arall o'r testun ar gael.

ystyr "adran etholiadol" ("electoral division") yw un o adrannau etholiadol Bwrdeistref Sirol Tor-faen fel y'i sefydlwyd gan Orchymyn Trefniadau Etholiadol Bwrdeistref Sirol Tor-faen 1994[2];

Adrannau etholiadol
     2.  - (1) Mae adrannau etholiadol presennol Bwrdeistref Sirol Tor-faen a bennir yn yr Atodlen i Orchymyn Trefniadau Etholiadol Bwrdeistref Sirol Tor-faen 1994 wedi'u diddymu.

    (2) At ddibenion ethol cynghorwyr ar gyfer Bwrdeistref Sirol Tor-faen, rhennir y fwrdeistref sirol honno yn 24 o adrannau etholiadol yn dwyn yr enwau a bennir yng ngholofn (1) o'r Atodlen i'r Gorchymyn hwn, a bydd pob adran etholiadol o'r fath yn ffurfio'r ardal a bennir yng ngholofn (2) o'r Atodlen honno.

    (3) Y nifer a bennir mewn perthynas â'r adran yng ngholofn (3) o'r Atodlen i'r Gorchymyn hwn fydd y nifer o gynghorwyr sydd i'w hethol ar gyfer pob adran etholiadol o'r fath.

Y Gofrestr o Etholwyr Llywodraeth Leol
     3. Rhaid i'r swyddog cofrestru wneud unrhyw ad-drefniadau neu addasiadau i'r gofrestr o etholwyr llywodraeth leol sy'n angenrheidiol am fod y Gorchymyn hwn yn dod i rym.



Llofnodwyd ar ran Cynulliad Cenedlaethol Cymru


E. Hart
Y Gweinidog dros Lywodraeth Leol, Cyllid a Chymunedau

6 Rhagyfr 2002

Erthygl 2


Enwau, ardaloedd a'r nifer o gynghorwyr ar gyfer adrannau etholiadol bwrdeistref sirol Tor-faen

(1)	(2)	(3)
Enw'r Adran Etholiadol	Ardal yr Adran Etholiadol	Y nifer o gynghorwyr
Abersychan	Cymuned Abersychan	3
Blaenafon	Cymuned Blaenafon	3
Bryn-wern	Ward Bryn-wern yng Nghymuned Llanfihangel Pont-y-moel	1
Coed Efa	Ward Coed Efa yng Nghymuned Fairwater	1
Gogledd Croesyceiliog	Ward Gogledd Croesyceiliog yng Nghymuned Croesyceiliog	2
De Croesyceiliog	Ward De Croesyceiliog yng Nghymuned Croesyceiliog	1
Cwmynysgoi	Ward Cwmynysgoi yng Nghymuned Llanfihangel Pont-y-moel	1
Fairwater	Ward Fairwater ac Oaksford yng Nghymuned Fairwater	2
Greenmeadow	Ward Greenmeadow yng Nghymuned Fairwater	2
Llantarnam	Cymuned Llantarnam ac ward Southville yng Nghymuned Cwmbrân Canolog	2
Gogledd Llanyrafon	Ward Gogledd Llanyrafon yng Nghymuned Llanyrafon	1
De Llanyrafon	Cymuned Pont-hir ac ward De Llanyrafon yng Nghymuned Llanyrafon	1
New Inn	Cymuned New Inn	3
Panteg	Cymuned Panteg	3
Pontnewydd	Cymuned Pontnewydd ac ward Northville yng Nghymuned Cwmbrân Canolog	3
Pontnewynydd	Ward Pontnewynydd ng Nghymuned Pen Transh	1
Pont-y-pl	Ward Pont-y- pl yng Nghymuned Llanfihangel Pont-y-moel	1
Snatchwood	Ward Snatchwood yng Nghymuned Pen Transh	1
St Cadocs a Phen-y-garn	Ward St Cadocs a Phen-y-garn yng Nghymuned Trefddyn	1
Llanfihangel Llantarnam	Ward Llanfihangel Llantarnam yng Nghymuned Cwmbrân Canolog	2
Trefddyn	Ward Trefddyn yng Nghymuned Trefddyn	2
Two Locks	Ward Two Locks yng Nghymuned Cwmbrân Canolog ac yng Nghymuned Henllys	3
Cwmbrân	Cymuned Cwmbrân Uchaf	3
Waunfelin	Ward Waunfelin yng Nghymuned Pen Transh	1

---

O dan adran 64(1) o Ddeddf Llywodraeth Leol 1972 (fel y'i hamnewidwyd gan Ddeddf Llywodraeth Leol (Cymru) 1994) yr oedd yn ofynnol i Gomisiwn Ffiniau Llywodraeth Leol Cymru adolygu'r trefniadau etholiadol cyn gynted â phosibl ar ôl yr etholiadau cyntaf i'r awdurdodau unedol ym Mai 1995.

Mae'r Gorchymyn hwn yn rhoi eiu heffaith (gyda rhai addasiadau) i'r cynigion a wnaed yn adroddiad Comisiwn Ffiniau Llywodraeth Leol Cymru yn Hydref 1999 ar gyfer Bwrdeistref Sirol Tor-faen.

Er bod y Gorchymyn yn diddymu'r holl adrannau etholiadol presennol yn y Fwrdeistref Sirol ac yn eu disodli ag adrannau etholiadol newydd, yn ymarferol bydd y mwyafrif yn aros yr un fath.

Nid oes unrhyw newid i adrannau Abersychan, Blaenafon, Bryn-wern, Coed Efa, Gogledd Croesyceiliog, De Croesyceiliog, Cwmynysgoi, Fairwater, Greenmeadow, Llantarnam, Gogledd Llanyrafon, De Llanyrafon, Pant-eg, Pontnewydd, Pontnewynydd, Pont-y-pl, Snatchwood, St Cadocs a Phen-y-garn, Llanfihangel Llantarnam, Trefddyn, Two Locks, Cwmbrân, Waunfelin.

Er hynny bydd adrannau presennol New Inn Isaf a New Inn Uchaf yn cael eu cyfuno i ffurfio etholaeth adran etholiadol New Inn. Bydd yn cynnwys Cymuned New Inn ac yn cael ei chynrychioli gan dri chynghorydd.

---

Notes:

[2] Cafodd y Gorchymyn hwn ei wneud ar 19 Rhagfyr 1994 gan yr Ysgrifennydd Gwladol dros yr Adran Gartref.back