Offerynnau Statudol 2002 Rhif 3161 (Cy.296)

Rheoliadau Arolygu Ysgolion a Cholegau Preswyl (Pwerau a Ffioedd)(Cymru) 2002

---

© Hawlfraint y Goron 2002

Mae'r ddeddfwriaeth ar y wefan hon yn ddarostyngedig i nawdd Hawlfraint y Goron. Gellir ei hatgynhyrchu yn rhad ac am ddim ar yr amod ei bod yn cael ei hatgynhyrchu'n fanwl gywir a bod ffynhonnell a statws hawlfraint y deunydd yn cael eu gwneud yn hollol hysbys i ddefnyddwyr beth yw.

Dylid nodi nad yw'r hawl i atgynhyrchu testun Offerynnau Statudol yn ymestyn i'r hawl i atgynhyrchu argraffnodau Bathodyn Brenhinol Cymru ac Argraffwr y Frenhines.

Paratowyd testun y fersiwn hon o'r Offeryn Statutdol ar gyfer y Rhyngrwyd i adlewyrchu'r testun fel y'i Gwnaethpwyd. Y fersiwn awdurdodol o'r Offeryn Statudol yw copi Argraffwr y Frenhines a gyhoeddwyd gan The Stationery Office Limited o dan y teitl Rheoliadau Arolygu Ysgolion a Cholegau Preswyl (Pwerau a Ffioedd)(Cymru) 2002, ISBN 0 11090616 0. Prynu'r eitem hon. Os am gael manylion o sut i gael gafael ar gopi swyddogol gweler Sut mae cael gafael ar gyhoeddiadau The Stationery Office Limited.

Er mwyn sicrhau mynediad cyflym drwy gyfrwng cysylltiadau araf, rhannwyd dogfennau mawrion yn "dalpiau". Pan ymddengys botwm "continue" ar waelod tudalen o'r testun, dynoda fod talp arall o'r testun ar gael.

    (3) Mae'r rheoliadau hyn yn gymwys mewn perthynas â Chymru.

    (4) Daw'r Rheoliadau hyn i rym ar 1 Chwefror 2003.

Arolygu'r Tir ac Adeiladau
     2.  - (1) Caiff person awdurdodedig arolygu unrhyw dir ac adeiladau, neu ran o unrhyw dir ac adeiladau, sydd, neu sydd i fod, yn dir ac adeiladau ysgol neu goleg perthnasol.

    (2) Caiff person awdurdodedig gyflawni unrhyw archwiliad o'r fath i gyflwr a rheolaeth y tir a'r adeiladau a arolygir o dan baragraff (1) y mae o'r farn ei bod yn angenrheidiol at ddibenion yr arolygiad.

    (3) Caiff arolygiad o dan baragraff (1) ddigwydd heb hysbysu'r person perthnasol[2].

Arolygu cofnodion
     3.  - (1) Caiff person awdurdodedig arolygu unrhyw gofnodion ysgol neu goleg perthnasol sy'n berthnasol i gyflawni dyletswydd Cynulliad Cenedlaethol Cymru o dan adran 87(3) o Ddeddf 1989.

    (2) Mae'r p er ym mharagraff (1) yn cynnwys p er i'w gwneud yn ofynnol i'r person perthnasol ddangos unrhyw gofnodion, ym mha le bynnag y cedwir hwy, i'w harolygu ar y tir neu yn yr adeiladau.

    (3) Yn y rheoliad hwn, mae cyfeiriad at gofnod yn cynnwys cofnod a gedwir drwy gyfrwng cyfrifiadur.

Arolygu Plant
     4.  - (1) Yn ddarostyngedig i ddarpariaethau'r rheoliad hwn, caiff person awdurdodedig, at ddibenion galluogi Cynulliad Cenedlaethol Cymru i gyflawni ei ddyletswydd o dan adran 87(3) o Ddeddf 1989, gyflawni arolygiad ar blant y darperir llety iddynt gan ysgol neu goleg perthnasol.

    (2) Caiff arolygiad gynnwys archwiliad corfforol o blentyn gan y person awdurdodedig, ar yr amod - 

(a) bod y person awdurdodedig yn ymarferydd meddygol cofrestredig neu'n nyrs gofrestredig;

(b) bod gan y person awdurdodedig achos rhesymol dros gredu nad yw lles y plentyn o dan sylw yn cael ei ddiogelu'n ddigonol neu'n cael ei hybu'n ddigonol gan y person perthnasol[3]; ac

(c) bod y plentyn yn cydsynio â'r archwiliad, neu nid yw'n alluog i roi cydsyniad.

    (3) Rhaid i archwiliad o dan baragraff (2) ddigwydd yn breifat.

    (4) Yn ddarostyngedig i baragraff (5), caiff person awdurdodedig gynnal cyfweliad yn breifat, neu ymorol am sylwadau ysgrifenedig neu ar lafar gan unrhyw blentyn neu grp o blant sy'n cydsynio i gael eu cyfweld neu fynegi eu sylwadau, yn ôl y digwydd.

    (5) Ni chaiff person awdurdodedig gyfweld unrhyw blentyn unigol yn breifat oni bai - 

(a) bod y plentyn o dan sylw wedi gofyn yn benodol am gael ei gyfweld ar ei ben ei hun ac yn breifat; neu

(b) bod y person awdurdodedig yn barnu ar sail resymol bod cyfweliad o'r fath yn angenrheidiol i alluogi Cynulliad Cenedlaethol Cymru i gyflawni ei ddyletswydd o dan adran 87(3) o Ddeddf 1989.

    (6) Ni chaiff unrhyw arolygiad ei gyflawni o dan y rheoliad hwn mewn perthynas â'r canlynol - 

(a) unrhyw blentyn i aelod o staff ysgol neu goleg perthnasol; neu

(b) unrhyw blentyn arall sy'n byw gydag aelod o staff o'r fath fel aelod o'i aelwyd,

onid yw'r plentyn hefyd yn ddisgybl neu'n fyfyriwr yn yr ysgol neu'r coleg.

Arolygiad  -  cyffredinol
     5. Caiff person awdurdodedig wrth gyflawni unrhyw arolygiad o dan y Rheoliadau hyn - 

(a) ei gwneud yn ofynnol i unrhyw berson ddarparu ar ei gyfer y cyfleusterau hynny a'r cymorth hwnnw ynghylch materion sydd o fewn rheolaeth y person hwnnw ac sy'n angenrheidiol i alluogi'r person awdurdodedig i arfer ei bwerau o dan y Rheoliadau hyn; a

(b) cymryd y cyfryw ffotograffau, mesuriadau a chofnodion y mae o'r farn eu bod yn angenrheidiol i alluogi arfer ei bwerau.

Ffi Blynyddol
     6.  - (1) Diwygir Rheoliadau Cofrestru Gofal Cymdeithasol a Gofal Iechyd Annibynnol (Ffioedd)(Cymru) 2002[4] yn unol â darpariaethau canlynol y rheoliad hwn.

    (2) Yn y paragraff o dan y pennawd "Arrangement of Regulations", ychwaneger y llinell ganlynol ar y diwedd "10. Annual fee  -  boarding schools and further education colleges".

    (3) Yn rheoliad 2 - 

(a) yn y diffiniad o "annual fee", ar ôl y geiriau "section 16(3) of the Act, or" ychwaneger "section 87D(2) of, or" a dilëer yr ymadrodd "(as the case may be)" ;

(b) yn y diffiniad o "approved place", ar ôl yr ymadrodd "for the use of a service user at night;" ychwaneger "or, in relation to a boarding school, residential special school or further education college, a bed provided for the use of a child accommodated at the school or college;";

(c) yn y lle priodol yn nhrefn yr wyddor yn y diffiniadau, mewnosoder y diffiniad canlynol - 

" "boarding school" means a school (not being a residential special school or a school which is a children's home or a care home) providing accommodation for any child, and "school" has the meaning given to it in section 105(1) of the 1989 Act[5];";

(ch) yn y lle priodol yn nhrefn yr wyddor yn y diffiniadau, mewnosoder y diffiniad canlynol - 

" "further education college" means a college as defined in section 87(10) of the 1989 Act which provides accommodation for any child;";

(d) yn y lle priodol yn nhrefn yr wyddor yn y diffiniadau, mewnosoder y diffiniad canlynol - 

" "residential special school" means - 
(i) a special school in accordance with sections 337 and 347(1) of the Education Act 1996[6]; or

(ii) an independent school not falling within (i) which has as its sole or main purpose the provision of places, with the consent of the National Assembly for Wales, for pupils with special educational needs or who are in public care,



and which provides accommodation for any child;".

    (4) Ar ôl rheoliad 9 (Ffi blynyddol  -  gofal dydd), mewnosoder y rheoliad canlynol - 

" Annual fee  -  boarding schools and colleges
     10.  - (1) The annual fee which shall be paid by the relevant person[7] in respect of a boarding school, residential special school or further education college shall be the amount in column (2) of the table below added to the sum of the amounts in columns (3) and (4) multiplied in each case by the number of approved places specified in respect of that column.



Column 1	Column 2	Column 3	Column 4
Type of school or college	Flat rate	Rate payable for each approved place from the 4th to the 29th place inclusive	Rate payable for the 30th and each subsequent approved place
Boarding school and further education college	£250	£15	£7.50
Residential Special Schools	£400	£40	£20


    (2) In the case of a school or college which is providing accommodation for any child on 1st February 2003, the annual fee shall first be payable on 1st September 2003 and, in all other cases, on the date residential accommodation is first provided.

    (3) The annual fee shall be payable every year on the anniversary of the date on which it was first payable.".

Diddymu
     7. Diddymir Rheoliadau Arolygu Tir ac Adeiladau, Plant a Chofnodion (Ysgolion Annibynnol) 1991[8].



Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[9]

Llywydd y Cynulliad Cenedlaethol

D. Elis-Thomas

17 Rhagfyr 2002

[2] Gweler adran 87(11) a (12) o Ddeddf 1989 i gael ystyr "relevant person" ("person perthnasol").back

[3] Gweler adran 87(11) a (12) o Ddeddf 1989 i gael ystyr "relevant person" ("person perthnasol").back

[4] O.S. 2002/921 (Cy. 109).back

[5] Mae adran 105(1) o Ddeddf 1989 yn cyfeirio at y diffiniad o ysgol yn Neddf Addysg 1996 p.56.back

[6] 1996 p.56.back

[7] Gweler adran 87(11) a (12) o Ddeddf 1989 i gael ystyr "relevant person" ("person perthnasol").back

[8] O.S. 1991/975.back

[9] 1998 p.38.back