Rheoliadau Addysg (Cynllun Grant Dysgu'r Cynulliad) (Cymru) (Diwygio) 2002

Offerynnau Statudol 2002 Rhif 2814 (Cy.271)

Rheoliadau Addysg (Cynllun Grant Dysgu'r Cynulliad) (Cymru) (Diwygio) 2002

Mae'r ddeddfwriaeth ar y wefan hon yn ddarostyngedig i nawdd Hawlfraint y Goron. Gellir ei hatgynhyrchu yn rhad ac am ddim ar yr amod ei bod yn cael ei hatgynhyrchu'n fanwl gywir a bod ffynhonnell a statws hawlfraint y deunydd yn cael eu gwneud yn hollol hysbys i ddefnyddwyr beth yw.

Dylid nodi nad yw'r hawl i atgynhyrchu testun Offerynnau Statudol yn ymestyn i'r hawl i atgynhyrchu argraffnodau Bathodyn Brenhinol Cymru ac Argraffwr y Frenhines.

Paratowyd testun y fersiwn hon o'r Offeryn Statutdol ar gyfer y Rhyngrwyd i adlewyrchu'r testun fel y'i Gwnaethpwyd. Y fersiwn awdurdodol o'r Offeryn Statudol yw copi Argraffwr y Frenhines a gyhoeddwyd gan The Stationery Office Limited o dan y teitl Rheoliadau Addysg (Cynllun Grant Dysgu'r Cynulliad) (Cymru) (Diwygio) 2002, ISBN 0 11090585 7. Prynu'r eitem hon. Os am gael manylion o sut i gael gafael ar gopi swyddogol gweler Sut mae cael gafael ar gyhoeddiadau The Stationery Office Limited.

Er mwyn sicrhau mynediad cyflym drwy gyfrwng cysylltiadau araf, rhannwyd dogfennau mawrion yn "dalpiau". Pan ymddengys botwm "continue" ar waelod tudalen o'r testun, dynoda fod talp arall o'r testun ar gael.

OFFERYNNAU STATUDOL

2002 Rhif 2814 (Cy.271)
ADDYSG, CYMRU
Rheoliadau Addysg (Cynllun Grant Dysgu'r Cynulliad) (Cymru) (Diwygio) 2002

	Wedi'u gwneud	14 Tachwedd 2002
	Yn dod i rym	15 Tachwedd 2002

Mae Cynulliad Cenedlaethol Cymru yn gwneud y Rheoliadau canlynol drwy arfer y pwerau a roddwyd i'r Ysgrifennydd Gwladol gan adrannau 484, 489 a 569(4) o Ddeddf Addysg 1996[1] ac sydd bellach wedi'u breinio yn y Cynulliad Cenedlaethol[2].

Enw, cychwyn a chymhwyso
     1. - (1) Enw'r Rheoliadau hyn yw Rheoliadau Addysg (Cynllun Grant Dysgu'r Cynulliad) (Cymru) (Diwygio) 2002 a deuant i rym ar 15 Tachwedd 2002.

    (2) Mae'r Rheoliadau hyn yn gymwys mewn perthynas ag awdurdodau addysg lleol yng Nghymru.

Diwygio Rheoliadau
     2. Yn Rheoliadau Addysg (Cynllun Grant Dysgu'r Cynulliad) (Cymru) 2002[3], yn lle'r Atodlen rhodder -

" YR ATODLEN

Rheoliadau 2, 3 a 7

Y DIBEN Y MAE GRANT YN DALADWY AR EI GYFER NEU MEWN CYSYLLTIAD AG EF

Gwneud dyfarndaliadau addysg ôl-orfodol o'r enw Grantiau Dysgu'r Cynulliad o dan Reoliadau Awdurdodau Addysg Lleol (Dyfarndaliadau Addysg Ôl-orfodol) (Cymru) 2002[

at y diben y cyfeirir ato ym mharagraff 2.

2. Y diben hwnnw yw i alluogi personau i fynd ar gyrsiau addysg bellach neu addysg uwch a ddynodwyd at ddibenion y Cynllun hwnnw drwy ddarparu cymorth ariannol i neu tuag at gwrdd â chost llyfrau, cyfarpar, teithio, neu ofal plant yr eir iddo fel canlyniad o fynychu cwrs o'r fath."

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[5]

14 Tachwedd 2002

John Marek
Dirprwy Lywydd Cynulliad Cenedlaethol Cymru

NODYN ESBONIADOL

(Nid yw'r nodyn hwn yn rhan o'r Rheoliadau)

Mae'r Rheoliadau hyn yn diwygio Rheoliadau Addysg (Cynllun Grant Dysgu'r Cynulliad) (Cymru) 2002 drwy amnewid Atodlen newydd. Mae'r Atodlen newydd yn ei gwneud yn eglur mai bwriad Cynllun Grant Dysgu'r Cynulliad yw galluogi y rheiny sydd ag adnoddau ariannol cyfyngedig i fynd ar gyrsiau addysg bellach neu addysg uwch drwy ddarparu cymorth ariannol tuag at gost llyfrau, cyfarpar, teithio neu ofal plant yr eir iddo mewn cysylltiad â mynychu cwrs o'r fath.

Notes:

[1] 1996 p.56; diwygir adrannau 484 a 489 gan adran 140(1) o Ddeddf Safonau a Fframwaith Ysgolion 1998 a pharagraffau 125 a 126 o Atodlen 30 iddi. I gael ystyr "regulations" gweler adran 579(1).back

[2] Gweler Gorchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).back

[3] O.S. 2002/1857 (Cy.181).back

[4] O.S. 2002/1856 (Cy.180).back

[5] 1998 p.38.back

English version

ISBN 0 11090585 7

We welcome your comments on this site

Prepared 26 November 2002