Offerynnau Statudol 2002 Rhif 1806 (Cy176)

Rheoliadau Tir Mynydd (Cymru) (Diwygio) 2002

---

© Hawlfraint y Goron 2002

Mae'r ddeddfwriaeth ar y wefan hon yn ddarostyngedig i nawdd Hawlfraint y Goron. Gellir ei hatgynhyrchu yn rhad ac am ddim ar yr amod ei bod yn cael ei hatgynhyrchu'n fanwl gywir a bod ffynhonnell a statws hawlfraint y deunydd yn cael eu gwneud yn hollol hysbys i ddefnyddwyr beth yw.

Dylid nodi nad yw'r hawl i atgynhyrchu testun Offerynnau Statudol yn ymestyn i'r hawl i atgynhyrchu argraffnodau Bathodyn Brenhinol Cymru ac Argraffwr y Frenhines.

Paratowyd testun y fersiwn hon o'r Offeryn Statutdol ar gyfer y Rhyngrwyd i adlewyrchu'r testun fel y'i Gwnaethpwyd. Y fersiwn awdurdodol o'r Offeryn Statudol yw copi Argraffwr y Frenhines a gyhoeddwyd gan The Stationery Office Limited o dan y teitl Rheoliadau Tir Mynydd (Cymru) (Diwygio) 2002, ISBN 0 11090531 8. Prynu'r eitem hon. Os am gael manylion o sut i gael gafael ar gopi swyddogol gweler Sut mae cael gafael ar gyhoeddiadau The Stationery Office Limited.

Er mwyn sicrhau mynediad cyflym drwy gyfrwng cysylltiadau araf, rhannwyd dogfennau mawrion yn "dalpiau". Pan ymddengys botwm "continue" ar waelod tudalen o'r testun, dynoda fod talp arall o'r testun ar gael.

" ystyr "premiwm blynyddol defaid" ("sheep annual premium") yw'r premiwm sy'n daladwy o dan Reoliadau Premiwm Blynyddol Defaid 1992[4].
ystyr "premiwm buchod sugno" ("Suckler Cow Premium") yw'r premiwm sy'n daladwy o dan Reoliadau Premiwm Buchnod Sugno 2001[5];";

(dd) mewnosodwch y diffiniadau canlynol cyn y diffinad o "Rheoliad y Comisiwn 1750/1999"

" ystyr "Rheoliadau 1994" ("the 1994 Regulations") yw Rheoliadau Da Byw Tir Uchel (Lwfansau Iawndal) 1994[6];
ystyr "Rheoliadau 1996" ("the 1996 Regulations") yw Rheoliadau Da Byw Tir Uchel (Lwfansau Iawndal) 1996[7];
ystyr "Rheoliadau 1999" ("the 1999 Regulations") yw Rheoliadau Da Byw Tir Uchel (Lwfansau Iawndal) 1999[8];";

(e) yn y diffiniad o "Reoliad y Cyngor 3508/92" ("Council Regulation 3508/92") mewnosodwch ar ôl y geiriau "ar gyfer" "cynlluniau penodol o blith";

(f) mewnosodwch y diffiniad canlynol ar ôl y diffiniad o "Rheoliad y Cyngor 3508/92"

" ystyr "Rheoliadau Da Byw Tir Uchel (Lwfansau Iawndal)" ("Hill Livestock (Compensatory Allowances) Regulations") yw Rheoliadau 1994, 1996 neu Reoliadau 1999 fel y bo'r achos;";

(ff) mewnosodwch y diffiniadau canlynol ar ôl y diffiniad o "coetir"

" ystyr "taliad iawndal cyntaf" ("first compensatory payment") yw'r taliad Tir Mynydd cyntaf sy'n daladwy o dan y Rheoliadau hyn neu pan fo lwfans iawndal wedi cael ei dalu o dan y Rheoliadau Da Byw Tir Uchel (Lwfansau Iawndal), y taliad cyntaf o'r lwfans hwnnw;
ystyr "Taliad Tir Mynydd" ("Tir Mynydd payment") yw'r taliad iawndal sy'n daladwy yn unol â'r Rheoliadau hyn;
ystyr "tir cymhwysol" ("qualifying land") yw'r tir perthnasol, neu mewn perthynas â cheisydd y mae rheoliad 3A yn gymwys iddo, y rhan honno o'r tir perthnasol sy'n weddill o'r didyniadau sy'n cael eu gwneud i'r tir perthnasol yn unol â'r rheoliad hwnnw;";

(g) rhowch y diffiniad canlynol yn lle'r diffiniad o "tir cymwys" - 

" ystyr "tir cymwys" ("eligible land") yw'r rhan honno o'r tir cymhwysol, sy'n gorwedd o fewn tir llai ffafriol;";

(ng) mewnosodwch y diffiniadau canlynol cyn y diffiniad o "tir tan anfantais" - 

" ystyr "tir llai ffafriol sy'n perthyn" ("related less favoured area") yw, mewn perthynas â cheisydd, yr holl arwynebedd porthiant y gwneir cais amdano, ac eithrio tir llai ffafriol, y cynghorodd awdurdod cymwys arall y Cynulliad Cenedlaethol fod y ceisydd yn gymwys i gael lwfans tir llai ffafriol sy'n perthyn amdano;
ystyr "tir perthnasol" ("relevant land") yw unrhyw arwynebedd porthiant y gwenir cais amdano sydd wedi'i leoli yng Nghymru;";

(h) yn y diffiniad o "uned da byw" ("livestock unit) yn lle paragraffau (a), (b) ac (c) rhowch y paragraffau canlynol - 


" (a) un fuwch sugno neu heffer sy'n 24 mis oed neu'n hn;

(b) 1.67 heffer o dan 24 mis oed;

(c) 6.67 mamog;";

     4. Mewnosodwch y rheoliad canlynol ar ôl rheoliad 2 - 

" Per i wneud taliadau
     2A. Bydd y Cynulliad Cenedlaethol, mewn perthynas â blwyddyn gynllun, yn gwneud taliad Tir Mynydd sydd wedi'i gyfrifo yn unol â'r Atodlen â'r i geiswyr cymwys ynglyn â'u tir cymwys.".

     5. Rhowch y rheoliad canlynol yn lle rheoliad 3 (Ceiswyr cymwys) - 

" Ceiswyr cymwys
     3.  - (1) Bydd ceiswyr yn gymwys i gael taliad Tir Mynydd mewn perthynas â blwyddyn gynllun ar yr amod bod - 


(a) cais am daliad wedi'i wneud mewn perthynas â'r flwyddyn gynllun honno drwy gais am gymorth arwynebedd dilys a bod yr arwynebedd porthiant y gwneir cais amdano, os o gwbl, yn cydymffurfio ag un o'r amodau a bennir ym mharagraff (2); a

(b) y ceisydd wedi cyflwyno cais am gymorth da byw mewn perthynas â defaid neu fuchod sugno neu'r ddau ohonynt mewn perthynas â'r flwyddyn y cyflwynwyd cais yn ei chylch am daliad Tir Mynydd; ac

(c) y ceisydd wedi defnyddio arferion ffermio da arferol sy'n cyd-fynd â'r angen i ddiogelu'r amgylchedd a chynnal cefn gwlad, yn benodol drwy ffermio cynaliadwy; a

(ch) y ceisydd wedi rhoi ymrwymiad ysgrifenedig y bydd yn ffermio o leiaf 3 hectar o dir sydd naill ai'n dir cymwys neu'n dir llai ffafriol sy'n perthyn a pharhau i wneud hynny am gyfnod o 5 mlynedd o ddyddiad y taliad iawndal cyntaf ac nad yw'r ceisydd hwnnw'n torri'r ymrwymiad hwnnw ar ddyddiad y taliad.



    (2) Y canlynol yw'r amodau - 



(a) bod nid llai na 6 hectar o'r arwynebedd porthiant y gwneir cais amdano o fewn y tir llai ffafriol; neu

(b) os nad yw'r arwynebedd porthiant y gwneir cais amdano sy'n gorwedd o fewn y tir llai ffafriol yn llai na 1 hectar ond yn llai na 6 hectar, mae cyfanswm yr arwynebedd porthiant y gwneir cais amdano yn cynnwys tir sydd wedi'i leoli o fewn tir llai ffafriol sy'n perthyn ac sy'n gymwys i gael lwfans tir llai ffafriol sy'n perthyn.".

     6. Mewnosodwch y rheoliad canlynol ar ôl rheoliad 3 - 

" Gostyngiad yn y Tir Perthnasol"
     3A.  - (1) Pan fo gan geisydd swmp cyfeiriol unigol o laeth ar gael, bydd gostyngiad sy'n cael ei gyfrifo yn unol â darpariaethau paragraff (2) yn cael ei gymhwyso i dir perthnasol y ceisydd.

    (2) Bydd y gostyngiad y cyfeirir ato ym mharagraff (1) yn cael ei gyfrifo yn unol ag is-baragraffau (i) i (iii) - 


(i) yn gyntaf, cyfrifir nifer yr unedau da byw yn y fuches laeth dybiannol drwy rannu'r swmp cyfeiriol unigol o laeth sydd ar gael i'r ceisydd gan 5730, sef nifer y litrau o laeth y tybir ei fod yn gyfwerth â chynnyrch blynyddol un fuwch odro;

(ii) am bob hectar o ddaliad y ceisydd nad yw o fewn tir llai ffafriol, gostyngir nifer yr unedau da byw a gyfrifir yn unol â pharagraff (i) o 2 uned;

(iii) defnyddir nifer yr unedau da byw sy'n weddill ar ôl cymhwyso is-baragraff (ii) er mwyn cyfrifo'r gostyngiad yn y tir perthnasol drwy ostwng arwynebedd y tir hwnnw o 1 hectar ar gyfer pob 2 uned da byw sy'n weddill, ac mae'r gostyngiad i'w gymhwyso'n llawn mewn perthynas â thir dan anfantais cyn ei gymhwyso i dir dan anfantais difrifol.



    (3) Yn y rheoliad hwn, ystyr "y fuches laeth dybiannol" ("notional dairy herd") yw cyfanswm yr anifeiliad y bernir eu bod yn fuches laeth ar dir sy'n cael ei ffermio gan y ceisydd yng Nghymru fel y'i cyfrifwyd uchod ac mae i "swmp cyfeiriol unigol o laeth" yr un ystyr ag i "individual reference quantity of milk" yn Erthygl 31 o Reoliad y Comisiwn (EC) 2342/1999[9].".

     7. Mewnosodwch y paragraffau canlynol yn rheoliad 4 (Y dwysedd stocio isaf), ar ôl paragraff (2) - 

    " (3) Caiff y Cynulliad Cenedlaethol benderfynu bod dwysedd stocio o lai na 0.1 yn ddigonol at ddibenion paragraff (1) os yw wedi'i fodloni'n rhesymol ei bod yn addas gwneud hynny o ystyried holl amgylchiadau'r achos, ac o ddwyn i ystyriaeth, yn benodol, nifer y mamogiaid a/neu fuchod sugno nad ydynt yn destun cais am bremiwm o dan Gynllun Premiwm Blynyddol Defaid a/neu Gynllun Premiwm Buchod Sugno, ac unrhyw rwymedigaeth ar ran y ceisydd yngylch y nifer o famogiaid a/neu fuchod sugno y ceir eu cadw ar y tir sy'n cynnwys y tir cymwys, mewn perthynas â'r flwyddyn y mae'r cais am daliad Tir Mynydd yn cael ei gyflwyno ynddi.

    (4) Er mwyn galluogi'r Cynulliad Cenedlaethol i ystyried a ddylai arfer ei ddisgresiwn o dan baragraff (3), rhaid i'r ceisydd ddarparu ar gyfer y Cynulliad Cenedlaethol y fath wybodaeth y gall yn rhesymol ei fynnu.".

     8. Mewnosodwch y paragraff canlynol yn rheoliad 6 (Cyfrifo taliadau arwynebedd  -  elfen 1), ar ôl paragraff (3) - 

    " (4) Wedi ymgymryd â'r cyfrifiad sylfaenol yn unol â Rhan A o'r Atodlen i'r Rheoliadau hyn, gall y Cynulliad Cenedlaethol, os gwêl yn dda, gynyddu'r swm a gyfrifwyd o ganran y gall benderfynu arni ar yr amod bod yr un cynnydd yn y ganran yn cael ei gymhwyso i bob ceisydd.".

     9. Yn rheoliad 7 (Taliad chwyddo amgylcheddol o dan elfen 2 o'r cynllun) - 

(a) ym mharagraff (2) cyn y geiriau "10 y cant", mewnosodwch y geiriau "hyd at";

(b) ym mharagraff (3) cyn y geiriau "20 y cant", mewnosodwch y geiriau "hyd at".

     10. Mewnosodwch ym mharagraff (b) o reoliad 8 (Categorïau sy'n gymwys ar gyfer y taliad chwyddo amgylcheddol) ar ôl y gair "thir" y geiriau "sydd wedi cwblhau'i drosi ac".

     11. Yn rheoliad 9 (Taliadau), dilewch baragraffau (2) a (3).

     12. Yn rheoliad 10 (Ceisiadau), rhowch y paragraff canlynol yn lle paragraff (3) - 

    " (3) Y dyddiad cau ar gyfer cyflwyno cais am daliad Tir Mynydd mewn perthynas â blwyddyn gynllun yw 15 Mai. Gall cyflwyno cais yn hwyr arwain at gosbau a fydd yn cael eu cyfrifo yn unol â darpariaethau Erthygl 13 o Reoliad y Comisiwn (EC) Rhif 2419/2001 dyddiedig 11 Rhagfyr 2001 sy'n cyflwyno rheolau manwl er mwyn cymhwyso'r system integredig gweinyddu a rheoli ar gyfer rhai cynlluniau o blith Cynlluniau cymorth y Gymuned a sefydlwyd gan Reoliad y Cyngor 3508/1992[10].".

     13. Dilëwch Reoliad 11 (Ceisiadau hwyr).

     14. Yn rheoliad 12 (Rhyddhau o ymrwymiadau)

(a) yn lle'r geiriau "rheoliad 9(2)" rhowch y geiriau "rheoliad 3(1)(ch)", a

(b) ym mharagraff (c) yn lle'r gair "chwe" rhowch y gair "dri" ac ar ôl y gair "cymwys" rhowch y geiriau "neu unrhyw dir llai ffafriol sy'n perthyn".

     15. Yn rheoliad 13 (Cadw'n ôl neu adennill taliadau) ym mharagraff (a), yn lle'r geiriau "reoliad 9(2)" rhowch y geiriau "reoliad 3(1)(ch)".

     16. Yn rheoliad 14 (Cyfradd Llog) - 

yn lle'r geiriau "adeg talu i'r ceisydd" rhowch y geiriau "ddyddiad yr hysbysiad i'r ceisydd o fwriad y Cynulliad Cenedlaethol i adennill yn y fath fodd".

     17. Dilëwch reoliad 15 (Daliadau Trawsffiniol).

     18. Yn yr Atodlen - 

(a) rhowch y canlynol yn lle Rhan A - 

" Rhan A
     1. Cyfrifir y taliad sylfaenol o dan elfen un y cynllun Tir Mynydd drwy luosi tir cymwys ceisydd wrth y gyfradd neu'r cyfraddau priodol a nodir ym mharagraff 2.

     2. Y cyfraddau y cyfeirir atynt ym mharagraff 1 yw - 


(a) £23.00 yr hectar ar gyfer tir tan anfantais; a

(b) £35.00 yr hectar ar gyfer tir tan anfantais ddifrifol.".



(b) yn lle paragraff 4 o Ran C, rhowch y paragraff canlynol - 

     " 4. Ym mlwyddyn 2003, bydd gan y ceisydd yr hawl i swm ychwanegol a fyddai, pan fydd wedi'i ychwanegu at y taliad Tir Mynydd yn creu cyfanswm o 50% o'r swm a dalwyd i'r ceisydd ar gyfer HLCA ym mlwyddyn 2000.".

Diwygio Rheoliadau Tir Mynydd (Daliadau Trawsffiniol) (Cymru) 2001
     19. Diwygir Rheoliadau Tir Mynydd (Daliadau Trawsffiniol) (Cymru) 2001 [11] yn unol â rheoliadau 20 a 21 o'r rheoliadau hyn.

     20. Yn rheoliad 2 (Diffiniadau), dilewch baragraff (2).

     21. Yn rheoliad 4 (Diffiniad o awdurdod cymwys) ym mharagraff 2(c) yn lle'r geiriau "y Gweinidog Amaethyddiaeth, Pysgodfeydd a Bwyd" rhowch y geiriau "yr Ysgrifennydd Gwladol dros yr Amgylchedd, Bwyd a Materion Gwledig".



Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[12]


John Marek
Dirprwy Lywydd y Cynulliad Cenedlaethol

9 Gorffennaf 2002

[1] Yn rhinwedd Gorchymyn y Cymunedau Ewropeaidd (Dynodi) (Rhif 3) (O.S. 1999/2788) ("y Gorchymyn"). Mae per y Cynulliad Cenedlaethol, fel corff sydd wedi'i ddynodi mewn perthynas â pholisi amaethyddol cyffredin y Gymuned Ewropeaidd, i wneud rheoliadau sy'n gymwys i ddaliadau sy'n cynnwys tir o fewn y Deyrnas Gyfunol ond y tu allan i Gymru, wedi'i gadarnhau gan baragraff 2(b) o Atodlen 2 i'r Gorchymyn.

[2] 1972 p.68.back

[3] O.S. 2001/496 (Cy.23).back

[4] O.S. 1992 / 2677, a ddiwygiwyd gan O.S. 1994 / 2741, O.S. 1995 / 2779, O.S. 1996 / 49, O.S. 1997 / 2500 ac O.S. 2001 / 281.back

[5] O.S. 2001 / 1370.back

[6] O.S. 1994/2740, a ddiwygiwyd gan O.S. 1995/100, 1481, 2778 ac O.S. 1996/27 ac a ddiddymwyd gan O.S. 1996/1500.back

[7] O.S 1996/1500, a ddiwygiwyd gan O.S. 1997/33, 1998/206, 1999/375; yn rhinwedd O.S. 1999/3316, nid yw O.S. 1996/1500 bellach yn gymwys.back

[8] O.S. 1999/3316back

[9] O.J. Rhif L281, 04.11.99, t.30.back

[10] O.J. Rhif L327, 12.12.2001, t.11.back

[11] O.S. 2001/1154 (Cy.61)back

[12] 1998 p.38.back