Offerynnau Statudol 2002 Rhif 1554 (Cy.152)

      Rheoliadau Hadau (Ffioedd) (Diwygio) (Cymru) 2002

      © Hawlfraint y Goron 2002

      Mae'r ddeddfwriaeth ar y wefan hon yn ddarostyngedig i nawdd Hawlfraint y Goron. Gellir ei hatgynhyrchu yn rhad ac am ddim ar yr amod ei bod yn cael ei hatgynhyrchu'n fanwl gywir a bod ffynhonnell a statws hawlfraint y deunydd yn cael eu gwneud yn hollol hysbys i ddefnyddwyr beth yw.

      Dylid nodi nad yw'r hawl i atgynhyrchu testun Offerynnau Statudol yn ymestyn i'r hawl i atgynhyrchu argraffnodau Bathodyn Brenhinol Cymru ac Argraffwr y Frenhines.

      Paratowyd testun y fersiwn hon o'r Offeryn Statutdol ar gyfer y Rhyngrwyd i adlewyrchu'r testun fel y'i Gwnaethpwyd. Y fersiwn awdurdodol o'r Offeryn Statudol yw copi Argraffwr y Frenhines a gyhoeddwyd gan The Stationery Office Limited o dan y teitl Rheoliadau Hadau (Ffioedd) (Diwygio) (Cymru) 2002, ISBN 0 11090511 3. Prynu'r eitem hon. Os am gael manylion o sut i gael gafael ar gopi swyddogol gweler Sut mae cael gafael ar gyhoeddiadau The Stationery Office Limited.

      Er mwyn sicrhau mynediad cyflym drwy gyfrwng cysylltiadau araf, rhannwyd dogfennau mawrion yn "dalpiau". Pan ymddengys botwm "continue" ar waelod tudalen o'r testun, dynoda fod talp arall o'r testun ar gael.

OFFERYNNAU STATUDOL

2002 Rhif 1554 (Cy.152)

HADAU, CYMRU

Rheoliadau Hadau (Ffioedd) (Diwygio) (Cymru) 2002

  Wedi'u gwneud 11 Mehefin 2002 
  Yn dod i rym 9 Gorffennaf 2002 

Mae Cynulliad Cenedlaethol Cymru, gan weithredu mewn perthynas â Chymru, drwy arfer y pwerau a roddwyd iddo gan adrannau 16(1) ac (1A)(e) a 36 o Ddeddf Amrywiaethau Planhigion a Hadau 1964[1], ar ôl ymgynghori yn unol â'r adran 16(1) honno â chynrychiolwyr buddiannau o'r fath y mae'n ymddangos iddo eu bod yn berthnasol, drwy hyn yn gwneud y Rheoliadau canlynol:

Teitl, cymhwyso a chychwyn
     1. Enw'r Rheoliadau hyn yw Rheoliadau Hadau (Ffioedd) (Diwygio) (Cymru) 2002, maent yn gymwys i Gymru a deuant i rym ar 9 Gorffennaf 2002.

Diwygio
     2.  - (1) Caiff Rheoliadau Hadau (Ffioedd) 1985[2] eu diwygio yn unol â darpariaethau canlynol y rheoliad hwn.

    (2) Yn rheoliad 2 diwygir y diffiniad o "the Minister" - 

    (a) drwy fewnosod yn union ar ôl "Food" y geiriau "in relation to Wales the National Assembly for Wales"; a

    (b) drwy ddileu'r geiriau "or Wales".

    (3) Ym mharagraff A (Ffioedd cychwynnol) o Atodlen 2 - 

    (a) yn is-baragraff (ii) yn lle'r geiriau "(except field beans and field peas)" rhoddir y geiriau "(except field beans, field peas, white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne)"; a

    (b) ar ôl is-baragraff (iii) mewnosodir y geiriad canlynol - 

    " (iv) certified seed of the first generation of white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne.

    		 9.10 ( - )".


    (4) Ym mharagraff B (Ffi archwilio cnydau) o Atodlen 2 - 

    (a) yn lle'r geiriau "(except field beans and field peas)" rhoddir y geiriau "(except field beans, field peas, white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne)"; a

    (b) ar ôl y geiriau "field beans and field peas", yn y lle olaf y maent yn digwydd, rhoddir y geiriau - 

             " or certified seed of the first generation of white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne".

    (5) Ym mharagraff C (Ffi lot hadau) o Atodlen 2 - 

    (a) yn is-baragraff (iii) yn lle'r geiriau "(except field beans and field peas)" rhoddir y geiriau "(except field beans, field peas, white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne)"; a

    (b) ar ôl is-baragraff (iv) rhoddir y geiriad canlynol - 

    " (ivA) certified seed of the first generation of white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne.

    		 66.00 ( - )".


    (6) Ym mharagraff D (Ffi ailgyflwyno lot hadau) o Atodlen 2 - 

    (a) yn is-baragraff (ii) yn lle'r geiriau "(except field beans and field peas)" rhoddir y geiriau "(except field beans, field peas, white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne)"; a

    (b) ar ôl is-baragraff (iii) rhoddir y geiriad canlynol - 

    " (iiiA) certified seed of the first generation of white lupin, narrow-leaved lupin (blue lupin), yellow lupin, Hungarian vetch, common vetch, hairy vetch and lucerne.

    		 46.20 ( - )".




Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[3]


John Marek
Dirprwy Lywydd Cynulliad Cenedlaethol Cymru

11 Mehefin 2002


NODYN ESBONIADOL

(Nid yw'r nodyn hwn yn rhan o'r Rheoliadau)


Mae'r Rheoliadau hyn, sy'n gymwys i Gymru yn unig, yn diwygio Rheoliadau Hadau (Ffioedd) 1985 (fel y'u diwygiwyd). Mae angen y diwygiadau o ganlyniad i Reoliadau Hadau Planhigion Porthiant (Diwygio) (Cymru) 2001 (O.S. 2001/3665 (Cy.297)) a dynnodd bysedd y blaidd gwynion, bysedd y blaidd dail cul (bysedd y blaidd glas), bysedd y blaidd melyn, ffacbys Hwngaraidd, ffacbys maethol, ffacbys blewog a maglys o'r diffiniad o "Hadau Ardystiedig" yn Rheoliadau Hadau Planhigion Porthiant 1993 a'u cynnwys yn hytrach o fewn y diffiniad o "Hadau Ardystiedig Cenhedlaeth Gyntaf". Mae angen y diwygiadau er mwyn sicrhau bod y disgrifiadau o gategorïau o hadau y mae ffioedd yn cael eu rhagnodi ar eu cyfer yn Atodlen 2 i'r Rheoliadau yn adlewyrchu'r newidiadau hyn.

Notes:

 [1] 1964 p.14; diwygiwyd adran 16 gan Ddeddf Cymunedau Ewropeaidd 1972 (p.68), adran 4(1) ac Atodlen 4, paragraffau 5(1), (2) a (3); gweler adran 38(1) (fel y'i diwygiwyd gan O.S. 1978/272) am ddiffiniad o "the Minister"; trosglwyddwyd swyddogaethau y Gweinidog Amaethyddiaeth, Pysgodfeydd a Bwyd o dan Ddeddf Amrywiaethau Planhigion a Hadau 1964, i'r graddau yr oeddent yn arferadwy mewn perthynas â Chymru, i'r Ysgrifennydd Gwladol gan Orchymyn Trosglwyddo Swyddogaethau (Cymru) (Rhif 1) 1978 (O.S. 1978/272); ac o dan erthygl 2(a) o Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672), ac Atodlen 1 iddo, fe drosglwyddwyd y swyddogaethau hyn, i'r graddau y maent yn arferadwy mewn perthynas â Chymru i Gynulliad Cenedlaethol Cymru.back

[2] O.S. 1985/981; yr offerynnau diwygio perthnasol yw O.S. 1990/610, 1999/1553, 1999/1865 a 2001/2533 (Cy.210).back

[3] 1998 p.38.back


English version


ISBN 0 11090511 3


 

Other UK SIs | Home | National Assembly for Wales Statutory Instruments | Scottish Statutory Instruments | Statutory Rules of Northern Ireland |  Her Majesty's Stationery Office

We welcome your comments on this site
 © Crown copyright 2002
Prepared 27 June 2002