Rheoliadau Cymorthdaliadau Amaethyddol (Apelau) (Cymru) 2001

Offerynnau Statudol 2001 Rhif 2537 (Cy.212)

Rheoliadau Cymorthdaliadau Amaethyddol (Apelau) (Cymru) 2001

© Crown Copyright 2001

Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.

Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled ā'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.

Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopļau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.

Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Rheoliadau Cymorthdaliadau Amaethyddol (Apelau) (Cymru) 2001, ISBN 0 11090347 1. Gellir prynu'r fersiwn brint trwy glicio yma. Gellir hefyd prynu copļau Braille o'r Offeryn Statudol yma am yr un pris ā'r argraffiad print drwy gysylltu ā Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.

Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.

I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.

OFFERYNNAU STATUDOL

2001 Rhif 2537 (Cy.212)
AMAETHYDDIAETH, CYMRU
Rheoliadau Cymorthdaliadau Amaethyddol (Apelau) (Cymru) 2001

	Wedi'u gwneud	10 Gorffennaf 2001
	Yn dod i rym	1 Awst 2001

Mae Cynulliad Cenedlaethol Cymru drwy arfer y pwerau a roddwyd iddo gan adran 2(2) o Ddeddf y Cymunedau Ewropeaidd 1972[1] a phob p

er arall sy'n ei alluogi yn y cyswllt hwnnw yn gwneud y Rheoliadau canlynol:

Enwi, cychwyn a chymhwyso
     1.     (1) Enw'r Rheoliadau hyn yw Rheoliadau Cymorthdaliadau Amaethyddol (Apelau) (Cymru) 2001 a deuant i rym ar 1 Awst 2001.

    (2) Mae'r Rheoliadau hyn yn gymwys i ddaliadau amaethyddol, y mae'r cyfan neu ran ohonynt wedi eu lleoli yng Nghymru, ac y mae ceisiadau am daliad yn unol a'r System Integredig Gweinyddu a Rheoli yn cael eu gwneud i Gynulliad Cenedlaethol Cymru.

Dehongli
     2. - (1) Yn y Rheoliadau hyn -

IACS year 2001

ystyr "Rheoliad y Comisiwn 3887/92" ("Commission Regulation 3887/92") yw Rheoliad y Comisiwn (EEC) Rhif 3887/92 [

Council Regulation 3508/92

    (2) Mae unrhyw gyfeiriad yn y Rheoliadau hyn at berson y cyfeirir penderfyniad ato, ceisydd ar gyfer adolygiad neu berson sy'n apelio i'r Cynulliad Cenedlaethol yn cynnwys cyfeiriad at unrhyw olynydd, ysgutor, ymddiredolwr mewn methdaliad, derbynnydd neu ddatodwr i berson neu geisydd o'r fath.

Cymhwyso
     3. Mae'r Rheoliadau hyn yn gymwys i benderfyniadau gan y Cynulliad Cenedlaethol o'r math y cyfeirir atynt yn rheoliad 4 isod mewn perthynas â daliadau a weinyddir gan y Cynulliad Cenedlaethol at ddibenion Rheoliadau System Integredig Gweinyddu a Rheoli 1993[18].

Penderfyniadau y mae modd eu hadolygu ac apelio yn eu herbyn
     4. Gellir adolygu'r penderfyniadau canlynol ac apelio yn eu herbyn yn unol â darpariaethau canlynol y Rheoliadau hyn -

(a) penderfyniad, o dan Reoliad y Comisiwn 3887/92 neu yn unol ag ef (gan gynnwys unrhyw beth a wneir yn unol ag Erthygl 11.1 o'r Rheoliad), gan y Cynulliad Cenedlaethol i wrthod, gostwng neu adennill (yn gyfan gwbl neu'n rhannol) taliad o dan unrhyw gynllun a bennir yn yr Atodlen ar gyfer blwyddyn IACS 2001 neu unrhyw flwyddyn IACS wedi hynny, a chan gynnwys taliadau a wneir o dan y Cynllun Tir Mynydd yn 2001; a

(b) penderfyniad gan y Cynulliad Cenedlaethol mewn perthynas â chwotau defaid a gwartheg at ddibenion y polisi amaethyddol cyffredin, ond dim ond ynghylch ceisiadau am gymorthdaliadau ar gyfer blwyddyn IACS 2001 neu unrhyw flwyddyn IACS wedi hynny ac nid ynghylch unrhyw flynyddoedd cyn hynny.

Adolygu penderfyniadau - Cam 1
5. - (1) Caiff person y mae penderfyniad a grybwyllir yn rheoliad 4 uchod yn cael ei gyfeirio ato, wneud cais i'r Cynulliad Cenedlaethol ymhen heb fod yn hwyrach na 30 diwrnod yn dilyn dyddiad y llythyr yn rhoi gwybod i'r person hwnnw am y penderfyniad i'w adolygu, am adolygiad o'r penderfyniad hwnnw.

(2) Rhaid i gais am adolygiad fod yn ysgrifenedig ar ffurf a bennwyd gan y Cynulliad Cenedlaethol a rhaid iddo nodi -

(a) enw a chyfeiriad y ceisydd, ac ar ba sail y ceisir yr adolygiad;

(b) y cynllun cymhorthdal y ceisir yr adolygiad mewn perthynas ag ef a'r flwyddyn IACS y cyfeiriodd y penderfyniad ati;

(c) y penderfyniad sydd i'w adolygu a'i ddyddiad;

(ch) manylion llawn y seiliau y ceisir yr adolygiad arnynt; a

(d) y newid yn y penderfyniad a geisir.

    (3) Mae cais o dan y rheoliad hwn i'w drin fel un sydd wedi'i wneud os daw i law'r Cynulliad Cenedlaethol yn y Swyddfa Ranbarthol y gwnaed y penderfyniad gwreiddiol ynddi.

     6. - (1) Pan wneir cais o dan reoliad 5 uchod, rhaid i bennaeth Swyddfa Ranbarthol y Cynulliad Cenedlaethol adolygu'r penderfyniad a bennir ynddo.

    (2) Wrth adolygu penderfyniad caiff y pennaeth y Swyddfa Ranbarthol -

(a) ystyried unrhyw ddogfen neu dystiolaeth arall a ddangosir gan y ceisydd (p'un a oedd y ddogfen neu'r dystiolaeth honno ar gael adeg y penderfyniad gwreiddiol neu beidio);

(b) gwahodd y ceisydd i ddarparu unrhyw wybodaeth bellach sy'n berthnasol i'r adolygiad y mae'r ceisydd yn credu ei bod yn briodol; ac

(c) rhoi cyfle i'r ceisydd i gyflwyno sylwadau yn ysgrifenedig.

7. - (1) Yn dilyn adolygiad o benderfyniad yn unol â rheoliad 6 uchod caiff pennaeth Swyddfa Ranbarthol y Cynulliad Cenedlaethol -

(a) cadarnhau'r penderfyniad;

(b) diwygio neu newid y penderfyniad mewn unrhyw agwedd y mae yn credu ei bod yn briodol; neu

(c) diddymu'r penderfyniad yn ei gyfanrwydd a rhoi penderfyniad newydd yn ei le.

    (2) Rhaid i bennaeth y Swyddfa Ranbarthol roi ei benderfyniad o dan baragaff (1) uchod yn ysgrifenedig, gan nodi'r ffeithiau y seilir y penderfyniad arnynt a'r rhesymau dros y penderfyniad.

    (3) Mewn achos pan na fydd penderfyniad yn darparu'r rhwymedi a bennir gan y ceisydd yn unol â rheoliad 5(2)(d) uchod, rhaid i'r Cynulliad Cenedlaethol gynnig cyfle i'r ceisydd gael adolygiad o'i benderfyniad o dan y rheoliad hwn gan yr Uned Apelau Cymorthdaliadau Amaethyddol.

Adolygu penderfyniadau - Cam 2
     8. - (1) Caiff person y mae penderfyniad a adolygwyd yn unol â rheoliad 7 uchod yn cael ei gyfeirio ato, wneud cais i Uned Apelau Cymorthdaliadau Amaethyddol y Cynulliad Cenedlaethol ymhen heb fod yn hwyrach na 30 diwrnod yn dilyn dyddiad y llythyr yn rhoi gwybod i'r ceisydd am y penderfyniad a adolygwyd, am adolygiad pellach o'r penderfyniad hwnnw.

    (2) Rhaid i gais am adolygiad pellach fod yn ysgrifenedig a rhaid iddo bennu -

(a) enw a chyfeiriad y ceisydd, ac ar ba sail y ceisir yr adolygiad;

(b) y cynllun cymhorthdal y ceisir yr adolygiad mewn perthynas ag ef a'r flwyddyn IACS y cyfeiriodd y penderfyniad ati;

(c) y penderfyniad gan y Swyddfa Ranbarthol sydd i'w adolygu a'i ddyddiad;

(ch) manylion llawn y seiliau y ceisir yr adolygiad pellach arnynt; a

(d) y newid yn y penderfyniad a geisir .

    (3) Mae cais o dan y rheoliad hwn i'w drin fel un sydd wedi'i wneud os daw i law'r Cynulliad Cenedlaethol yn ei swyddfeydd ym Mharc Cathays, Caerdydd CF10 3NQ wedi'i farcio "ar gyfer yr Uned Apelau Cymorthdaliadau Amaethyddol ".

     9. - (1) Pan wneir cais o dan reoliad 8 uchod, rhaid i Uned Apelau Cymorthdaliadau Amaethyddol y Cynulliad Cenedlaethol adolygu'r penderfyniad a bennir ynddo.

    (2) Wrth adolygu penderfyniad caiff yr Uned Apelau -

(a) ystyried unrhyw ddogfen neu dystiolaeth arall a ddangosir gan y ceisydd (p'un a oedd y ddogfen neu'r dystiolaeth honno ar gael adeg y penderfyniad gwreiddiol neu gam cyntaf yr adolygiad neu beidio);

(b) gwahodd y ceisydd i ddarparu unrhyw wybodaeth bellach sy'n berthnasol i'r adolygiad y mae'r ceisydd yn credu ei bod yn briodol; ac

(c) rhoi cyfle i'r ceisydd i gyflwyno sylwadau yn ysgrifenedig.

10. - (1) Yn dilyn adolygiad o benderfyniad yn unol â rheoliad 9 uchod caiff Uned Apelau Cymorthdaliadau Amaethyddol y Cynulliad Cenedlaethol -

(a) cadarnhau y penderfyniad;

(b) diwygio neu newid y penderfyniad mewn unrhyw agwedd y mae yn credu ei bod yn briodol; neu

(c) diddymu'r penderfyniad yn ei gyfanrwydd a rhoi penderfyniad newydd yn ei le.

    (2) Rhaid i'r Uned Apelau roi ei benderfyniad o dan baragaff (1) uchod yn ysgrifenedig, gan nodi'r ffeithiau y seilir y penderfyniad arnynt a'r rhesymau dros y penderfyniad.

    (3) Mewn achos pan na fydd penderfyniad yn darparu'r rhwymedi a bennir gan y ceisydd yn unol â rheoliad 8(2)(d) uchod, rhaid i'r Cynulliad Cenedlaethol gynnig cyfle i'r ceisydd apelio yn erbyn y penderfyniad a adolygwyd i bersonau a benodir ganddo.

Cam 3 - Apelau i bersonau a apwyntiwyd
     11. - (1) Caiff person y mae rheoliad 10(3) yn gymwys iddo, wneud cais ysgrifenedig i'r Cynulliad Cenedlaethol cyn pen 30 diwrnod yn dilyn dyddiad y llythyr yn rhoi gwybod iddo neu iddi am y penderfyniad o dan reoliad 10 uchod, am adolygiad o'r penderfyniad hwnnw gan bersonau a benodwyd ganddo.

    (2) Pan fydd y penderfyniad sydd i'w adolygu yn benderfyniad o'r math y cyfeirir ato yn rheoliad 10(1)(b) neu (c) gall y ceisydd ategu'r cais gwreiddiol o dan reoliad 8(2) uchod fel y bydd natur y penderfyniad hwnnw yn gofyn amdano.

    (3) Mae cais o dan y rheoliad hwn i'w drin fel un sydd wedi'i wneud os daw i law'r Cynulliad Cenedlaethol yn eu swyddfeydd ym Mharc Cathays, Caerdydd, CF10 3NQ wedi'i farcio "ar gyfer yr Ysgrifenyddiaeth Apelau Cymorthdaliadau Amaethyddol" a bod y ffi ganlynol wedi'i amgáu gyda'r cais:

(a) £100 yn achos apêl y mae'r ceisydd am gael gwrandawiad llafar ar ei gyfer; a

(b) £50 yn achos apêl y mae'r ceisydd yn fodlon iddo gael ei ystyried heb wrandawiad llafar.

12. - (1) Pan wneir cais o dan reoliad 11, rhaid i'r Cynulliad Cenedlaethol benodi y personau hynny y mae yn credu eu bod yn briodol i adolygu'r penderfyniad a rhoi copïau o'r canlynol i'r personau hynny -

(a) y cais;

(b) y penderfyniad o dan reoliad 10 uchod; ac

(c) unrhyw ddogfen neu nodyn o dystiolaeth a ddangoswyd neu a gymerwyd mewn perthynas ag adolygiad blaenorol.

(2) Rhaid i'r personau a benodir o dan y rheoliad hwn adolygu'r penderfyniad ac fe gânt -

(a) ystyried unrhyw ddogfen neu dystiolaeth arall a ddangosir gan y ceisydd neu'r Cynulliad Cenedlaethol (p'un a oedd y ddogfen neu'r dystiolaeth honno ar gael adeg y penderfyniad o dan reoliad 10 uchod neu beidio);

(b) gwahodd y ceisydd a'r Cynulliad Cendlaethol i ddarparu unrhyw wybodaeth bellach sy'n berthnasol i'r adolygiad y mae'r personau a benodir yn credu eu bod yn briodol; ac

(c) rhoi cyfle i'r ceisydd a'r Cynulliad Cenedlaethol roi tystiolaeth neu wneud sylwadau yn ysgrifenedig neu ar lafar yn ddibynnol ar y ffurf o apêl y gofynnodd y ceisydd amdano ac y talodd y ffi briodol ar ei gyfer.

(3) Yn dilyn eu hadolygiad o'r mater rhaid i'r personau a benodir gyflwyno adroddiad i'r Cynulliad Cenedlaethol -

(a) am eu casgliadau ffeithiol ar y mater; a

(b) am eu argymhellion ynghylch dyfarnu ar y cais gan ystyried y gyfraith sy'n gymwys i'r ffeithiau.

(4) Ar ôl ystyried y materion a adroddir iddynt o dan baragraff (3) uchod caiff y Cynulliad Cenedlaethol -

(a) cadarnhau ei benderfyniad;

(b) diwygio neu newid ei benderfyniad mewn unrhyw fodd y mae yn credu ei fod yn briodol; neu

(c) diddymu ei benderfyniad yn ei gyfanrwydd a rhoi penderfyniad newydd yn ei le.

(5) Wrth ddod i'w benderfyniad yn unol â pharagraff (4) uchod rhaid i'r Cynulliad Cenedlaethol roi sylw i'r casgliadau a'r argymhellion a adroddir iddo gan y personau a benodir o dan y rheoliad hwn ond nid yw yn rhwym i ddilyn y cyfan neu unrhyw ran o'r argymhellion hynny.

(6) Rhaid i'r Cynulliad Cenedlaethol roi ei benderfyniad o dan y rheoliad hwn yn ysgrifenedig a phan na fydd yn mabwysiadu'r argymhellion a adroddir iddo, rhaid iddo nodi -

(a) y ffeithiau perthnasol y seilir ei benderfyniad arnynt;

(b) y rhesymau dros y penderfyniad;

(c) ei resymau am beidio â dilyn yn gyfan gwbl neu'n rhannol argymhellion y personau penodedig; ac

(ch) effaith ei benderfyniadau ar dalu neu beidio â thalu'r cymhorthdal.

    (7) Os y bydd y Cynulliad Cenedlaethol yn gwneud penderfyniad yn unol a pharagraff (4)(b) neu (c) uchod, rhaid dychwelyd y ffi y cyfeiriwyd ati yn rheoliad 11(3) uchod i'r ceisydd.

    (8) Caiff y Cynulliad Cenedlaethol wneud unrhyw daliad ar ffurf ffi neu ad-daliad treuliau, i unrhyw berson a benodwyd o dan baragraff (1) uchod, fel y gwel ei bod yn briodol.

Hysbysu Penderfyniadau
     13. - (1) Rhaid hysbysu'r ceisydd o unrhyw benderfyniad o dan reoliadau 6, 9 neu 12 uchod more fuan ag sy'n ymarferol wedi iddo gael ei wneud gan ddefnyddio post y mae dosbarthiad wedi'i gofnodi i'r cyfeiriad a ddangosir yn y cais am adolygiad.

    (2) Yn achos penderfyniad o dan reoliad 12, rhaid hysbysu darganfyddiadau ac argymhellion y personau a benodwyd ynghyd â'r penderfyniad.

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[19].

John Marek
Dirprwy Lywydd y Cynulliad Cenedlaethol

10 Gorffennaf 2001

YR ATODLENRheoliad 4

Cynllun Premiwn Blynyddol Defaid

Atodiad Ardal Lai Ffafriol y Cynllun Premiwn Blynyddol Defaid

Cynllun Premiwn Arbennig Cig Eidion

Cynllun Premiwn Buchod Sugno

Cynllun Taliadau Anarddwys

Cynllun Taliadau Arwynebedd Tir Âr

Cynllun Tir Mynydd

NODYN ESBONIADOL

(Nid yw'r nodyn hwn yn rhan o'r Rheoliadau)

Mae'r Rheoliadau hyn yn cael effaith mewn perthynas â daliadau (p'un a ydynt wedi'u lleoli yn gyfan gwbl yng Nghymru neu'n rhannol yng Nghymru ac yn rhannol yn rhywle arall yn y Deyrnas Unedig), a weinyddir gan y Cynulliad Cenedlaethol at ddibenion Rheoliadau System Integredig Gweinyddu a Rheoli 1993. Maent yn cyflwyno hawliau cyfreithiol am y tro cyntaf i geisio adolygiad o benderfyniadau penodol gan y Cynulliad Cenedlaethol mewn perthynas â chymorthdaliadau amaethyddol a chwotas penodol ac i apelio yn erbyn y penderfyniadau hynny ar ôl eu hadolygu. Maent yn gymwys o'r flwyddyn IACS 2001 ymlaen ac hefyd i daliadau Tir Mynydd a wneir yn 2001.

Nodir y mathau o benderfyniadau y gellir eu hadolygu ac apelio yn eu herbyn yn rheoliad 4. Penderfyniadau yw'r rhain i wrthod, gostwng neu adennill yn gyfan gwbl neu'n rhannol daliadau a wnaed o dan y cynlluniau a nodir yn yr Atodlen a phenderfyniadau mewn perthynas â chwotau da byw at ddibenion y polisi amaethyddiaeth cyffredin.

Gweithredir y weithdrefn ar gyfer adolygu drwy gais a wneir heb fod yn hwyrach na 30 diwrnod ar ôl dyddiad y llythyr yn rhoi gwybod i'r ceisydd am y penderfyniad sydd i'w adolygu (rheoliad 5).

Cam 1
Cynhelir yr adolygiad yn y lle cyntaf gan bennaeth y Swyddfa Ranbarthol y Cynulliad Cenedlaethol lle gwnaed y penderfyniad gwreiddiol. Rhoddir pwerau penodol mewn perthynas ag adolygiadau o'r fath, ac yn dilyn adolygiad rhaid rhoi'r penderfyniad ar ffurf benodedig (rheoliadau 5-7).

Cam 2
Caiff ceisydd sydd heb ei fodloni gan ganlyniad yr adolygiad gan bennaeth Swyddfa Ranbarthol wneud cais am adolygiad pellach gan Uned Apelau Cymorthdaliadau Amaethyddol y Cynulliad Cenedlaethol. Mae'r broses yn debyg i'r un ar gyfer Cam 1 ac fe'i nodir yn rheoliadau 8-10.

Cam 3
Caiff ceisydd sydd yn parhau yn anfodlon wneud cais i'r Cynulliad Cenedlaethol i gael adolygiad ar y penderfyniad gan banel o bersonau a benodir gan y Cynulliad Cenedlaethol (rheoliad 11(1)).

Mae ffi o £100 yn daladwy mewn perthynas â chais o'r fath sydd i'w glywed ar lafar a £50 os yw'r cais i gael ei ystyried yn ysgrifenedig yn unig (rheoliad 11(3)).

Caiff y Cynulliad Cenedlaethol benodi personau i gynnal y cam hwn o'r adolygiad (rheoliad 12(1)).

Mae'n rhaid i bersonau a benodir o dan reoliad 12 adolygu penderfyniad yr Uned Cymorthdaliadau Amaethyddol Canolog ac mae ganddynt bwer i ystyried gwybodaeth ychwanegol neu i wahodd sylwadau oddi wrth y ceisydd a'r Cynulliad Cenedlaethol (rheoliad 12(2)).

Yn dilyn eu hadolygiad o'r penderfyniad rhaid i'r personau a benodir gan y Cynulliad Cenedlaethol gyflwyno adroddiad ar eu casgliadau ffeithiol a'u hargymhellion i'r Cynulliad Cenedlaethol (rheoliad 12(3)).

Mae angen i'r Cynulliad Cenedlaethol wneud penderfyniad gan roi sylw i'r casgliadau a'r argymhellion a gyflwynir iddo gan y personau a benodir (rheoliad 12(4) a (5)).

Mae'n ofynnol i'r Cynulliad Cenedlaethol roi ei benderfyniad yn ysgrifenedig a rhoi manylion llawn y ffeithiau a'r rhesymau dros ei benderfyniad (rheoliad 12(6)).

Pan fydd y Cynulliad Cenedlaethol yn penderfynu bod ceisydd wedi bod yn llwyddiannus yn gyfan gwbl neu'n rhannol yn yr adolygiad rhaid iddo ad-dalu'r ffi a dalwyd (rheoliad 12(7)).

Caiff y Cynulliad Cenedlaethol wneud taliadau i bersonau a benodir ganddo o dan reoliad 12(1) (rheoliad 12(8)).

Rhaid i benderfyniadau gael eu hysbysu yn unol â rheoliad 13.

Notes:

[1] 1972 p.68. Dynodwyd y Cynulliad Cenedlaethol at ddibenion adran 2(2) gan Orchymyn y Cymunedau Ewropeaidd (Dynodi) (Rhif 3) 1999 (O.S. 1999/2788).back

[2] O.J. L391, 31.12.1992, t.36.back

[3] O.J. L27, 4.2.1995, t.3.back

[4] O.J. L156, 7.7.1995, t.27.back

[5] O.J. L197, 22.8.1995, t.2.back

[6] O.J. L94, 9.4.1999, t.1.back

[7] O.J. L212, 30.7.1998, t.23.back

[8] O.J. L340, 31.12.1999, t.29.back

[9] O.J. L314, 14.12.2000, t.8.back

[10] O.J. L355, 5.12.1992, t.1.back

[11] O.J. L338, 28.12.1994, t.16,back

[12] O.J. L329, 30.12.1995, t.18.back

[13] O.J. L206, 16.8.1996, t.4.back

[14] O.J. L335, 24.12.1996, t.1.back

[15] O.J. L94, 9.4.1997, t.1.back

[16] O.J. L182, 21.7.2000, t.4.back

[17] O.J. L72, 14.03.2001, t.6.back

[18] O.S. 1993/1317 fel y'i diwygiwyd gan O.S. 1994/1134, O.S. 1997/1148, O.S. 1999/1820 ac O.S. 2000/2573.back

[19] 1998 p.38.back

English version

ISBN 0 11090347 1

Other UK SIs | Home | National Assembly for Wales Statutory Instruments | Scottish Statutory Instruments | Statutory Rules of Northern Ireland | Her Majesty's Stationery Office

We welcome your comments on this site

© Crown copyright 2001

Prepared 12 October 2001