Offerynnau Statudol 2000 Rhif 2906 (Cy. 186 )

Rheoliadau Addysg (Cyfyngu Cyflogaeth) (Cymru) 2000

---

© Crown Copyright 2000

Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.

Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.

Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.

Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Rheoliadau Addysg (Cyfyngu Cyflogaeth) (Cymru) 2000, ISBN 0-11-090133-9. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.

Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.

I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.

(a) mae i "addysg bellach" yr ystyr a roddir i "further education" gan adran 2(3) a (5) o Ddeddf Addysg 1996[6]);

(b) ystyr "addysg uwch" ("higher education") yw addysg a ddarperir drwy gyfrwng cwrs o unrhyw ddisgrifiad a grybwyllir yn Atodlen 6 i Ddeddf Diwygio Addysg 1988;

(c) ystyr "gweithiwr gyda phlant neu bersonau ifanc" ("worker with children or young persons") yw person a gyflogir -


(i) gan awdurdod addysg lleol, neu

(ii) gan gorff llywodraethu ysgol neu sefydliad sy'n dod o fewn adran 218(10) neu (11) o Ddeddf Diwygio Addysg 1988[7];



mewn gwaith, heblaw fel athro neu athrawes, sy'n dod â'r person hwnnw i gyswllt yn rheolaidd â phersonau ifanc sydd heb gyrraedd 19 mlwydd oed.

(ch) ystyr "sefydliad addysg bellach" ("further educaton institution") yw sefydliad, nad yw'n ysgol, sy'n darparu addysg bellach (p'un a yw'n darparu addysg uwch hefyd neu beidio) ac sydd naill ai -



(i) yn cael ei gynnal gan awdurdod addysg lleol; neu

(ii) yn sefydliad yn y sector addysg bellach (o fewn ystyr adran 91(3) o Ddeddf Addysg Bellach ac Uwch 1992[8]);



(d) ystyr "ysgol" ("school") yw ysgol a gynhelir gan awdurdod addysg lleol, neu ysgol arbennig[9] nad yw'n cael ei chynnal felly.

    (2) Mae unrhyw gyfeiriad yn y Rheoliadau hyn at gyflogaeth berthnasol yn gyfeiriad at gyflogaeth -

(a) gan awdurdod addysg lleol fel athro neu athrawes (p'un ai mewn ysgol neu sefydliad addysg bellach neu beidio) neu fel gweithiwr gyda phlant neu bersonau ifanc;

(b) gan unrhyw gorff arall, fel athro neu athrawes mewn ysgol neu sefydliad addysg bellach;

(c) gan gorff llywodraethu ysgol neu sefydliad addysg bellach fel gweithiwr gyda phlant neu bersonau ifanc;

(ch) gan berchennog ysgol annibynnol, fel athro neu athrawes neu fel gweithiwr gyda phlant neu bersonau ifanc; a

(d) mewn ysgol annibynnol, fel athro neu athrawes neu fel gweithiwr gyda phlant neu bersonau ifanc.

    (3) At ddibenion y Rheoliadau hyn, mae cyflogaeth yn cynnwys ymglymu person i ddarparu ei wasanaethau fel athro neu athrawes heblaw o dan gontract cyflogaeth a dehonglir cyfeiriadau at gyflogaeth neu gyflogaeth berthnasol yn unol â hynny.

Cyfyngu darparu gwasanaethau
     3.  - (1) Yn ddarostyngedig i baragraff (3), mae paragraff (2) yn gymwys mewn perthynas â pherson y gwaherddir ei gyflogi, neu y cyfyngir ar ei gyflogi, ar unrhyw un o'r seiliau a grybwyllir yn is-adran (6ZA)(a) i (d) o adran 218 o Ddeddf Diwygio Addysg 1988[10], o dan reoliadau a wnaed o dan is-adran (6) o'r adran honno[11].

    (2) Rhaid i gorff llywodraethu ysgol neu sefydliad addysg bellach, yr awdurdod addysg lleol i'r graddau y mae'n ymwneud â'r ysgol honno neu'r sefydliad hwnnw, a pherchennog ysgol annibynnol, gymryd unrhyw gamau sy'n rhesymol ymarferol i atal person nad yw'n cael ei gyflogi ganddynt mewn cyflogaeth berthnasol rhag darparu gwasanaethau mewn perthynas â'r ysgol neu'r sefydliad neu mewn perthynas â phersonau sy'n eu mynychu -

(i) sy'n cael eu darparu drwy ba gyfrwng bynnag a ph'un a ydynt o dan gontract neu fel arall; a

(ii) a fyddai'n dod â'r person hwnnw a fyddai'n eu darparu i gyswllt yn rheolaidd â phersonau sydd heb gyrraedd 19 mlwydd oed.

    (3) Mae paragraff (2) ond yn gymwys mewn perthynas â pherson y mae ei gyflogaeth neu ei gyflogaeth bellach wedi'i chyfyngu (o'i gyferbynnu â'i gwahardd) os y byddai caniatáu i'r person ddarparu'r gwasanaethau a grybwyllir yn y paragraff hwnnw, pe bai'n cael ei gyflogi gan gorff llywodraethu o'r fath neu awdurdod addysg lleol neu gan berchennog ysgol annibynnol mewn cyflogaeth berthnasol, yn groes i delerau'r cyfyngiad.

Adroddiadau ar gamymddygiad
     4.  - (1) Os yw person  - 

(a) wedi ei ddiswyddo o gyflogaeth berthnasol ar sail camymddygiad (p'un a gaiff ei gollfarnu am dramgwydd troseddol neu beidio), neu

(b) wedi ymddiswyddo o dan amgylchiadau y byddai cyflogydd y person wedi'i ddiswyddo neu wedi ystyried ei ddiswyddo o danynt ar y sail honno pe na bai wedi ymddiswyddo,

rhaid i'r cyflogydd gyflwyno adroddiad am ffeithiau'r achos a rhoi unrhyw wybodaeth bellach am yr amgylchiadau a arweiniodd at y diswyddo neu'r ymddiswyddo, ac sydd ym meddiant neu o dan reolaeth y cyflogydd, i Gynulliad Cenedlaethol Cymru.

    (2) Ym mharagraff (1), mae'r cyfeiriad at "ddiswyddo o gyflogaeth berthnasol" yn cynnwys camau gan awdurdod addysg lleol neu gorff llywodraethu ysgol neu sefydliad addysg bellach i derfynu ymglymiad person i ddarparu gwasanaethau fel athro neu athrawes mewn cyflogaeth berthnasol heblaw o dan gontract cyflogaeth a dehonglir cyfeiriadau at "ddiswyddo" yn unol â hynny ac mae'r cyfeiriad at "ymddiswyddo" yn cynnwys camau gan berson i derfynu ymglymiad o'r fath.



Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[12].


D. Elis Thomas
Llywydd Cynulliad Cenedlaethol Cymru

26 Hydref 2000

[2] 1998 p.30. Diwygiwyd adran 15 gan adran 5(4) o Ddeddf Amddiffyn Plant 1999.back

[3] Gweler Gorchymyn Cynulliad Cenedlaethol Cymru (Trosglwyddo Swyddogaethau) 1999, O.S. 1999/672.back

[4] (ch) O.S. 1993/543. Diddymwyd pob darpariaeth arall yn y Rheoliadau hynny, gydag eithriadau, gan O.S. 2000/2419.back

[5] O.S. 1998/1584. Diddymwyd pob darpariaeth arall yn y Rheoliadau hynny, gydag eithriadau, gan O.S. 2000/2419.back

[6] (dd) 1996 p.56.back

[7] Diwygiwyd adran 218(10) ac (11) gan adran 93 o Ddeddf Addysg Bellach ac Uwch 1992 (p.13), a pharagraff 49 o Atodlen 8 ac Atodlen 9 iddi.back

[8] 1992 p.13.back

[9] Ar gyfer ystyr "ysgol arbennig" gweler adrannau 6(2) a 337 o Ddeddf Addysg 1996, fel y'u diwygiwyd yn ôl eu trefn gan baragraffau 60 a 80 o Atodlen 30 i Ddeddf Safonau a Fframwaith 1998.back

[10] Mewnosodwyd adran 218(6ZA) gan adran 5(2) o Ddeddf Amddiffyn Plant 1999.back

[11] Adeg gwneud y Rheoliadau hyn, Rheoliadau Addysg (Cyfyngu Cyflogaeth) 2000 (O.S. 2000/2419), sy'n gymwys i Gymru a Lloegr, oedd y Rheoliadau a oedd mewn grym o dan adran 218(6) o Ddeddf Diwygio Addysg 1988.back

[12] 1998 p.38.back