Offerynnau Statudol 2000 Rhif 1785 (Cy. 122 )

Rheoliadau Gorchmynion Traffig Awdurdodau Lleol (Esemptiadau ar gyfer Personau Anabl)(Cymru) 2000

---

© Crown Copyright 2000

Caiff Offerynnau Statudol o'r wefan hon eu hargraffu o dan oruchwyliaeth ac awdurdod Rheolwr Gwasg ei Mawrhydi sef Argraffydd Ddeddfau Senedd y Frenhines.

Mae'r ddeddfwriaeth a gynhwysir ar y wefan hon yn gaeth i ddiogelwch Hawlfraint y Goron. Gellir ei atgynhyrchu yn rhad ac am ddim cyn belled â'i fod wedi ei atgynhyrchu'n gywir a bod ffynhonnell a statws hawlfraint y deunydd wedi eu nodi'n glir i'r defnyddiwr.

Dylid nodi nad yw'r hawl i atgynhyrchu testun Offerynnau Statudol yn ymestyn i wasgnodau Argraffydd y Frenhines a dylid eu tynnu oddi ar unrhyw gopïau o'r Offerynnau Statudol gaiff eu cyhoeddi neu fydd ar gael i’r cyhoedd. Mae hyn yn cynnwys atgynhyrchu yr Offeryn Statudol ar y Rhyngrwyd ac ar safleoedd mewnrwyd. Gellir ond atgynhyrchu Bathodyn Brenhinol Cymru pan ei fod yn rhan annatod o'r ddogfen wreiddiol.

Paratowyd testun y fersiwn Rhyngrwyd yma o Offeryn Statutdol i adlewyrchu'r testun fel y cafodd ei Wneud. Mae fersiwn brint hefyd ar gael ac mae wedi ei chyhoeddi gan The Stationery Office Limited fel Rheoliadau Gorchmynion Traffig Awdurdodau Lleol (Esemptiadau ar gyfer Personau Anabl)(Cymru) 2000, ISBN 0 11 090124 X. Gellir prynu'r fersiwn brint trwy glicio yma. Gellir hefyd prynu copïau Braille o'r Offeryn Statudol yma am yr un pris â'r argraffiad print drwy gysylltu â Gwasanaethau Cwsmeriaid TSO ar 0870 600 5522 neu ar e-bost: customer.services@tso.co.uk.

Gellir cael rhagor o wybodaeth am gyhoeddiad deddfwriaeth ar y wefan hon drwy gyfeirio at Frequently Asked Questions.

I sicrhau mynediad cyflym dros gysylltiadau araf, mae dogfennau mawr wedi eu rhannu i "ddarnau". Pan welwch fotwm "continue" ar ddiwedd tudalen o destun, mae hyn yn dynodi bod darn arall o destun ar gael.

ystyr "lôn beiciau" ("cycle lane") yw'r ystyr a roddir i "cycle lane" yn rheoliad 4 o Reoliadau Arwyddion Traffig 1994 [5];

ystyr "lôn bysiau" ("bus lane") yw'r ystyr a roddir i "bus lane" yn rheoliad 23(3) o Reoliadau Arwyddion Traffig 1994;

ystyr "oriau gweithredu" ("hours of operation") mewn perthynas a lôn beiciau neu lôn bysiau yw'r cyfnodau pan fydd y cyfyngiadau sydd yn ei gwneud yn lôn beiciau neu'n lôn bysiau yn gymwys;

ystyr "y Rheoliadau Bathodynnau" ("The Badges Regulations") yw Rheoliadau Personau Anabl (Bathodynnau ar gyfer Cerbydau Modur) 2000[6].

    (2) Yn y Rheoliadau hyn - 

(a) mae cyfeiriad at orchymyn sy'n cynnwys darpariaeth o fath penodol yn cynnwys cyfeiriad at orchymyn sy'n cymhwyso darpariaeth o'r math hwnnw mewn gorchymyn presennol; a

(b) mae cyfeiriad at orchymyn a wnaed o dan unrhyw ddarpariaeth yn Neddf 1984 yn cynnwys cyfeiriad at orchymyn sy'n cael effaith fel petai wedi ei wneud o dan y Ddeddf honno, ac at orchymyn sy'n amrywio neu'n diddymu gorchymyn sy'n cael effaith fel petai wedi ei wneud o dan y Ddeddf honno.

Ystyr "safle perthnasol"
     4.  - (1) Mae cerbyd yn arddangos bathodyn person anabl yn y safle perthnasol os yw'n cael ei arddangos yn y modd a ragnodir gan reoliad 12 o'r Rheoliadau Bathodynnau.

    (2) Mae cerbyd yn arddangos disg barcio yn y safle perthnasol - 

(a) os yw'r ddisg yn cael ei harddangos ar ddangosfwrdd neu banel deialau y cerbyd; neu

(b) os yw'r ddisg yn cael ei harddangos mewn safle amlwg ar y cerbyd os nad oes dangosfwrdd neu banel deialau gan y cerbyd,

fel bod y cyfnod o chwarter awr pan ddechreuodd y cyfnod aros yn eglur ddarllenadwy o'r tu allan i'r cerbyd pan fydd y cyfnod wedi ei farcio ar y ddisg.

Cymhwyso
     5. Mae'r Rheoliadau hyn yn gymwys i unrhyw orchymyn ynglyn â ffordd sydd wedi'i wneud gan gyngor sir neu gyngor bwrdeistref sirol yng Nghymru o dan adrannau 1, 9, 35, 45, neu 46 o Ddeddf 1984.

Esemptiad ar gyfer cerbydau sy'n arddangos bathodynnau person anabl
     6.  - (1) Bydd darpariaethau canlynol y Rheoliadau hyn yn effeithiol i'w gwneud yn ofynnol i awdurdodau lleol gynnwys, mewn gorchmynion y mae'r Rheoliadau hyn yn gymwys iddynt, esemptiadau ar gyfer cerbyd sy'n arddangos bathodyn person anabl.

    (2) Ceir cyfyngu unrhyw esemptiad o ddarpariaeth (y mae'r Rheoliadau hyn yn gorfodi ei chynnwys) mewn gorchymyn i gerbydau o'r un dosbarth â'r rhai y mae'r ddarpariaeth yn gymwys iddynt.

Esemptiad rhag gwaharddiadau ar aros yn fwy nag amser penodedig
     7.  - (1) Mae'r rheoliad hwn yn gymwys i orchymyn sydd wedi'i wneud o dan adran 1, 9, 35, 45 neu 46 o Ddeddf 1984  - 

(a) os yw'r gorchymyn yn cynnwys darpariaeth sy'n gwahardd cerbydau neu unrhyw ddosbarth ar gerbydau rhag aros ar ffordd, naill ai - 


(i) yn hwy na chyfnod penodol; neu

(ii) pan fydd llai na chyfnod penodol wedi mynd heibio ers cyfnod aros blaenorol gan yr un cerbyd ar y ffordd honno, a



(b) os nad yw'r gwaharddiad yn gymwys i bob cerbyd heblaw cerbydau personau anabl.

    (2) Rhaid i orchymyn y bydd y rheoliad hwn yn gymwys iddo gynnwys esemptiad o'r gwaharddiad er budd cerbyd sy'n dangos bathodyn person anabl yn y safle perthnasol.

Esemptiadau rhag gwaharddiadau ar aros ar bob adeg neu yn ystod cyfnodau penodol
     8.  - (1) Mae'r rheoliad hwn yn gymwys i orchymyn sydd wedi'i wneud o dan adrannau 1, 9, 35, 45 neu 46 o Ddeddf 1984 sy'n cynnwys darpariaeth  - 

(a) sydd yn gwahardd (heblaw er mwyn llwytho neu ddadlwytho) unrhyw gerbydau neu unrhyw ddosbarth ar gerbydau, rhag aros ar ffordd ar bob adeg o'r dydd neu yn ystod un neu fwy o gyfnodau penodol o'r dydd;

(b) nad yw'n gymwys i lôn bysiau neu lôn beiciau yn ystod yr oriau gweithredu; a

(c) nad yw'n ddarpariaeth o'r math y cyfeirir ati yn rheoliad 7(1).

    (2) Rhaid i orchymyn y mae'r rheoliad hwn yn gymwys iddo gynnwys esemptiad rhag y gwaharddiad yn unol â pha un bynnag o baragraffau (3) neu (4) sy'n briodol ar gyfer unrhyw gerbyd sy'n arddangos bathodyn person anabl yn y safle perthnasol.

    (3) Pan na fydd cyfnod y gwaharddiad yn fwy na thair awr, rhaid i'r esemptiad bara am y cyfan o'r cyfnod hwnnw.

    (4) Pan fydd cyfnod y gwaharddiad yn fwy na thair awr bydd yr esemptiad yn para am gyfnod o dair awr, yn ddarostyngedig i'r amodau canlynol: - 

(a) na fydd y cyfnod aros a esemptir yn cychwyn lai nag un awr wedi cyfnod aros blaenorol a esemptiwyd ar gyfer yr un cerbyd ar yr un ffordd ar yr un diwrnod;

(b) yr arddangosir disg barcio wedi ei marcio i ddangos y cyfnod o chwarter awr pan gychwynnodd y cyfnod aros a esemptir yn y safle perthnasol ar y cerbyd.

    (5) Yn y rheoliad hwn ystyr "disg barcio" yw dyfais sydd  - 

(a) yn 125 milimetr sgwâr ac o liw glas os yw wedi ei roi ar y dydd y daw'r Rheoliadau hyn i rym neu wedi hynny, neu o liw oren os yw wedi ei roi cyn hynny;

(b) wedi ei roi gan awdurdod lleol a heb beidio â bod yn ddilys; ac

(c) yn gallu dangos y cyfnod o chwarter awr pan gychwynnodd cyfnod aros.

Esemptiadau rhag darpariaethau eraill gorchmynion o dan adran 45 neu 46 o Ddeddf Rheoli Traffig Ffyrdd 1984
     9.  - (1) Mae'r rheoliad hwn yn gymwys i orchymyn sydd wedi'i wneud o dan adran 45 neu 46 o Deddf 1984 sy'n rhagnodi - 

(a) tâl i'w dalu ar gyfer unrhyw gerbyd neu gerbyd o unrhyw ddosbarth sydd wedi'i adael mewn lle parcio a ddynodir gan y gorchymyn;

(b) y cyfnod hwyaf y caiff cerbyd aros mewn lle parcio; neu

(c) cyfnod sy'n gorfod mynd heibio cyn y caiff cerbyd ddychwelyd i fan parcio wedi iddo gael ei symud oddi yno.

    (2) Rhaid i orchymyn y bydd y rheoliad hwn yn gymwys iddo gynnwys esemptiad rhag pob un o'r materion a bennir felly ar gyfer cerbyd sy'n arddangos bathodyn person anabl yn y safle perthnasol.



Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998 [7].


D Elis Thomas
Llywydd Cynulliad Cenedlaethol Cymru

5 Gorffennaf 2000

Diben y Rheoliadau hyn (gyda Rheoliadau cysylltiedig ar Fathodynnau ar gyfer Cerbydau Modur) yw cyflwyno cyfundrefn bathodynnau glas ar gyfer personau anabl o Gymru fydd yn cael eu derbyn ar draws yr Undeb Ewopeaidd yn lle'r un bresennol sy'n seiliedig ar fathodynnau oren.

Mae rheoliadau tebyg yn cael eu gwneud yn y rhannau eraill o'r Deyrnas Unedig yn dilyn Argymhelliad a wnaed ym 1998 gan Gyngor yr Undeb Ewropeaidd.

Gall awdurdodau lleol wneud gorchmynion yngln â pharcio o dan Ddeddf Rheoli Traffig Ffyrdd 1984. Pennwyd esemptiadau ar gyfer personau anabl y byddai'n ofynnol i'r awdurdodau lleol eu cynnwys mewn gorchmynion yngln â gwaharddiadau a chyfyngiadau parcio a'r tâl y gellid ei godi yn Rheoliadau Gorchmynion Traffig Awdurdodau Lleol (Esemptiadau ar gyfer Personau Anabl)(Lloegr a Chymru) 1986.

Mae'r Rheoliadau hyn yn diddymu Rheoliadau 1986 (rheoliad 2).

Yn rheoliadau 3 a 4 dehonglir termau a ddefnyddir yn y Rheoliadau.

Mae rheoliadau 5 i 9 yn pennu'r gorchymynion perthnasol a'r modd y bydd yr esemptiadau yn effeithio arnynt.

---

Notes:

[2] 1970 p.44; diwygiwyd adran 21 gan Ddeddf Llywodraeth Leol 1972 (p.70) Atodlen 30; Deddf Llywodraeth Leol (Yr Alban) 1973 (p.65), Atodlen 14; Deddf Trafnidiaeth 1982 (p.49),adran 68; Deddf Rheoli Traffig Ffyrdd 1984 (p.27), Atodlen 13, paragraff 11; Deddf Llywodraeth Leol 1985 (p.51), Atodlen 5; Deddf Traffig Ffyrdd 1991 (p.40), adran 35, Atodlen 8; Deddf Llywodraeth Leol (Cymru) 1994 (p.19), Atodlen 10, paragraff 8; a Deddf Llywodraeth Leol etc. (yr Alban) 1994 (p.39), Atodlen13, paragraff 86.back

[3] Gweler Gorchymyn Cynulliad Cenedlaethol Cymru (Trosglwyddo Swyddogaethau)1999 (O.S.1999/672).back

[4] (ch) O.S. 1986/178, y mae diwygiadau iddynt nad ydynt yn berthnasol i'r Rheoliadau hyn. Nid yw'r Rheoliadau hyn bellach yn gymwys yn Lloegr yn rhinwedd Rheoliadau Gorchmynion Traffig Awdurdodau Lleol( Esemptiadau ar gyfer Personau Anabl) (Lloegr) 2000 (O.S. 2000/683).back

[5] O.S. 1994/1519, gweler Rhan I.back

[6] O.S. 2000/ 1786 (Cy. 123).back

[7] 1998 p.38.back